Proverbios 11:3 - La'aqtaqa Ñim Lo'onatac 'Enauacna 2013

³ Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Proverbios 11:3 Referans Kwoze

Proverbios 13:6

Naua ỹaỹamaqchiyiñi lataxaco mpaxattaleguete ca ỹale qaica ca ỹasouaxat, qaq na qauemsat qalaq nlaxaañi ca 'etaxaloxoic.

Proverbios 28:18

Ca ỹale ỹo'oxoraic camaye ishet da nca'alec, qaq ca 'etaxaloxoic qalaq taỹa'a da lachoxoyec.

Proverbios 19:3

Da 'eetec da qaica ca ỹaỹaanapec ca ỹale nachera da ỹo'ot da daqat da nqa'aicỹaxac, ime, nache nmaxalec da lasouaqtac camaye Ñim Lo'onatac 'Enauacna.

Salmos 26:1

'Am Nataxala', ñaq aỹem 'auo'otec ca ỹaỹamaqchiguiñi lataxac, cha'aye da ñachaalataxac ỹataqta qui'itta. Qataq ỹataqta 'am sepe'etega 'Am Nataxala'.

Salmos 25:21

Ñaq aỹem mpaxaalec qome da ño'oxonnataguec qataq da qaica ca sasouaxat, cha'aye ỹataqta 'am sacheto'ot da ñaquitaxac.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Eclesiastés 7:17

Saishet da 'auapagaqnauec da 'am qauemaic, qataq saishet da 'aue'enaxat ca qaica ca ỹaỹaanapec. Cha'aye da qonetec de'era nache ishet da 'aleu da saxanaxa da ivita ca 'araloqo'.

Proverbios 11:5

Da ỹaỹamaqchiguiñi lataxac ỹaỹamaxaañi da llecỹaxac ca no'on da lataxac, qaq ca qauemaic qalaq maiche cañe' na qauem maye ỹo'ottac.

Isaías 1:28

Qalaxaye aỹem selaxachigui qome na qauemaicpi qataq na 'etaxaloxoicpi, qaq nam aỹem ca'ai namayepi ileu qome.

Proverbios 21:7

Na qauemaicpi qalaq nlaxaañi da maiche nloquiaxac, souaxat da saishet da ỹo'ot da nalochiguiñi lataxac.

Proverbios 2:22

na qauemaicpi qataq na que'emaqtaxanaxaicpi, qalaq qanapogosheguem qome qataq qaỹamaqauec.

Proverbios 22:12

Ñim Nataxala' ỹataqta nauaatalec da naỹaanec, qalaxaye saipaigui naqa'en na la'aqtacpi ca shepecaic.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.