Proverbios 11:23 - La'aqtaqa Ñim Lo'onatac 'Enauacna 2013

²³ Naua 'eetapegueco na no'on da lataxac naamaye ivira'a da ỹaỹamaqchiyiñi, qaq da naquitaxac na qauemaicpi qalaq taỹa'a da qauem.

Proverbios 11:23 Referans Kwoze

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Salmos 37:4

Ỹataqta 'auauotec Ñim Nataxala', nache Ñimaye ipacchigui qome ca qonetapeguec.

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Proverbios 10:28

Ca no'on da lataxac qalaq taỹa'a da machiguiñi, qaq ca qauem da lataxac qalaq taỹa'a da nlaguiñi.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Hebreos 10:27

Nachaqrata da qomi' seuataqta'aguet cam qaica ca 'ena'am lchecỹaxac maye nmitaguec 'enauacna, que'eca na'a'q da Ñim Lo'onatac 'Enauacna nmit na ipa'agueetac Ñimaye qataq ỹavigaxat ỹasaxangui ca norec.

Proverbios 11:7

Ca qauemaic da ivita da ileu, qalaq lỹachiguiñi' da naquitaxac qataq nam tatapigui lauelpi.

Salmos 119:10

Qaq aỹem, ye ỹataqta imauec da iquiyaqteỹaxac da 'am ñimittaique ỹoqo'oye saishet qome da aỹem 'auashenem da sheca'aisalo naua 'aramaxasoxonaxaco.

Salmos 119:5

Ỹoqo'oye da iyaxa da shectalec da salaxagueta naua 'arqataxaco.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Proverbios 11:24

Ca shiỹaxaua sa naloqnañi na ỹan, nache nataqa'en ỹactec ca ỹaconeguet, qaq ca shemataqaic qalaq taỹa'a da lachoxoyec.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Proverbios 13:2

Ñi 'oonolec maiche ỹaconeguet da alaỹaxac na la'aqtacpi, qaq na que'elaqtaxanaxaicpi qalaq huo'o da lyaxa da ỹo'ot da loquiaxac.