Proverbios 11:22 - La'aqtaqa Ñim Lo'onatac 'Enauacna 2013

²² Aca 'alo 'onaxai qalaxaye qaica ca ỹaỹaanapec, nache acamaye 'eeta'am aca chiguishaqte oro da netagui na lmic aca cos.

Proverbios 11:22 Referans Kwoze

Proverbios 31:30

Da nqopitaxanaqtaic, damaye choche dayenaxan, qataq da nyacỹaxac qaica ca naigui, qalaxaye aca 'alo maye huo'o naq 'enec naqa'en Ñim Nataxala', acamaye ỹataqta 'itchiguiñi da qaỹo'oxoren.

Proverbios 9:13

Da qaica ca qaỹaỹaana'a qalaq 'eeta'am aca 'alo na'aqtaqa lo'o', 'oopai qataq qaica ca ỹaỹaanapec.

Proverbios 7:10

Nache aso 'alo sanaỹaloxon da nca'ateuga somaye, qaq da lataxac qataq da no'otaxac yo'oqta da quisheguetaxai,

2 Pedro 2:22

Qaq ne'ena shiỹaxauapi ỹachaxan da 'eesa naxa de'era na'aqtac maye 'eeta': «Ca pioq maiche ipacta da chec ca alolaxat», qataq de'era lỹa na'aqtac naxa 'eeta': «Aca cos late'e maye cheta'ague da qanachelaxaatac, qalaq ipacta da ncogangui ca nshaxa.»

Génesis 24:47

Qaq ime, nache senat añimaye, sheeta': ¿Chaq negue't ca 'am llale? Nache añimaye aỹem ỹasateguet, 'eeta': Qomye aỹem llale so Betuel, som llalec so Najor qataq aso Milca. Qaq huaña, nache sanagui na lmic añimaye aso chiguishaqte, qataq sanaguilo naua lhua'q soua dos nhuaxa'she,

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Proverbios 12:4

Aca 'alo no'on da lataxac acamaye ỹo'ot da llo'oxoyec ca lhua, qaq aca qauem da lataxac qalaq ivitta'a da nlachiguiñi naqa'en ca lhua.