Proverbios 11:13 - La'aqtaqa Ñim Lo'onatac 'Enauacna 2013

¹³ Ca na'aqtaqa lo'o' qaica ca ỹoxottapiguiñi, qaq ca shiỹaxaua maye npe'et qalaq choche ñe'emaxatta.

Proverbios 11:13 Referans Kwoze

Proverbios 20:19

Ca na'aqtaqa lo'o' sa ỹaỹaten da ỹoxooñi ca qoỹoxottapiguiñi, qaq ỹoqo'oye saishet qome da 'aualectapeeguet que'eca na'aqtaqa lo'o'.

Proverbios 25:9

'Anqoleguete' ca 'am ỹasaqtapeguelec 'arasouaxashet ca 'arỹa, qataq saishet da 'auchoxot ca ỹaqa'a qoỹoxottapiguiñi,

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

1 Timoteo 5:13

Qataq ishet da taỹa da tateua'alo naua nma'ate, choche ivitta'a da qaica ca ỹo'ot. Qataq huo'o ana nataqa'en taỹa da na'aqtaqa lo'o' qataq camachaqca qataq tategueua'a, qataq sa ilo'oguelo naua la'aqtaqa.

Josué 2:14

Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»

Jeremías 38:27

Qaq ipacchigui co'ollaxa da so ltauapi so nta'a nqo'ona so Jeremías, nache inattac, qalaxaye somaye ipagaqchiichigui da la'aqtac maye ỹamaxalec so nta'a. Qaq huaña nache qoỹaxaañi da qainattac, cha'aye qaica co'ollaxa ca hua'aqchiguilo co'ollaq detaqtega't.

Proverbios 14:5

Ca na'aqtaxanaxanec maye 'eesa saishet da datenataxan, qaq ca na'aqtaxanaxanec maye saq 'en qalaq ỹa'axat ca saq 'en.

Josué 2:20

Qataq qom 'aua'axatec de'era qara'aqtac, nache qomi' huesoueeguesopa qome de'era 'am sanaxam qara'aqtac, nache saishet da sepagaqchigui sa so'otaq.»

Proverbios 11:12

Ca qaica ca ỹaỹaanapec qalaq quetapeguelec ca nauochaxaua, qaq ca ỹaanataxanaxaic qalaq ñe'emaxatta.

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

Proverbios 19:11

Da qaica ca qanqalaate' ỹo'ot da qalhueneguet da nalemataic, qataq ỹo'ot da ño'oxoyec da sa qaiqocha'a ca nogoqtaxanaxac.

Proverbios 10:19

Ca qalota na la'aqtacpi qalaq qalota da lsomaxac, qaq ca ỹaỹaten da ñe'emaxat camaye ỹaanaxanaxaic.