Proverbios 10:8 - La'aqtaqa Ñim Lo'onatac 'Enauacna 2013

⁸ Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Proverbios 10:8 Referans Kwoze

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.

Proverbios 9:9

'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Proverbios 14:23

'Enauac na qana'añaxaalec no'onatacpi huo'o ca naigui, qaq na qalota na'aqtacpi qalaq ỹo'ot da nachoxoyec.

Proverbios 14:8

Da laỹaanec ca ỹaanaxanaxaic ỹo'ot da ỹaỹateetegue da lataxac camaye, qaq ca qaica ca ỹaỹaanapec qalaq maiche ỹatenachet da no'oopashaxac.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 12:13

Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Proverbios 10:10

Qaq ca naquiaxaatalec ana la'aite qalaq taỹa'a ca qauem, qaq ca qaica ca ỹaỹaana'a qataq taxaỹaxaic qalaq taỹa'a da nlachiguiñi.

Salmos 119:34

Aỹem 'aỹa'anem qome ca ỹauattonaxanaxac da yaqto' saỹamaxa't naua 'arqataxaco, yaqto' imauec ñaqa'en da iquiyaqteỹaxac da sepacchiguilo.

Proverbios 9:8

Saishet da 'aviraxato'ot ca nogaqaic ten qom 'am nquiỹa, 'aviraxato'ot qome ca ỹaanaxanaxaic yaqto' 'am ỹauotec.

Proverbios 10:14

Ca ỹaanaxanaxaic camaye ỹaỹamaxatteque naua lauattonaxanaxaco, qaq naua la'aqtaqa ca qaica ca ỹaỹaana'a qalaq huo'o da lchec.