Proverbios 10:7 - La'aqtaqa Ñim Lo'onatac 'Enauacna 2013

⁷ Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

Proverbios 10:7 Referans Kwoze

Salmos 112:6

Ỹoqo'oye camaye saishet da huañi, qataq nache 'eetai' da nhuennataxat cam no'on da lataxac.

Lucas 1:48

Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Marcos 14:9

Qaq ỹataqta 'eesa de'era qami' sa'axatema, de'era ỹo'ot aramaye qaiuennate nataqa'en 'enauac nam pa'aiguelo naua laỹel ana 'alhua nam hua'aguelo da qaỹa'axattac de'era no'on na'axaỹaxac maye chegoqo'ot Ñim Lo'onatac 'Enauacna.»

Salmos 109:13

Qataq nmichiguiñi qome 'enauac na chegoxoguetpi, qataq qaỹapalaxat qome da le'enaxat qom huo'o ca dalaxaic ñalaqpi.

2 Crónicas 24:16

Qaq co'ollaq qailareñi, nache huaigui qanqa'en so huaqta'a't nỹecpi maye lalamaxat so David, huaqta'ai' qanqa'en som nta'alpi, cha'aye somaye ỹataqta no'on da ỹo'otec so Israel le'ecpi, qataq Ñim Lo'onatac 'Enauacna, qataq aso atamnaxaqui maye lalamaqte Ñimaye.

Salmos 109:15

Qataq Ñim Nataxala' saishet qome da icoua'ai, qataq Ñimaye ỹapalaxat qome da le'enaxat maye huetalec ana 'alhua.

Da na'aqtaguec so Job 18:17

Nache nam huetalecpi ana 'alhua qalaq saishet da iuennatega camaye, qataq da le'enaxat sa lỹa da qanasaxauec.

2 Reyes 19:34

Cha'aye aỹem, ñepaxattalec qome ne'ena huaqta'a't nỹecpi, nache ñeca'alaxatec souaxat da ỹauotaxanaqtaic so ỹamaxashec David, qataq da sheeta.›»

1 Reyes 11:36

Qaq ca llalec ñimaye qalaq ño'onaxata'aguet qome da ilo'ogue ca 'oonolec na maiche nalamaxat nhuo' le'ecpi, yaqto' aca lcoỹaraxanaxaqui so ỹamaxashec David, nache 'eetai' qome da 'ettaigui da netaña ye Jerusalén, yem huaqta'a't nỹecpi maye lleca'aguishec da yaqto' nache hueta'a da ỹe'enaxat.

Eclesiastés 8:10

Qaq nataqa'en sauaachigui nam qauemaicpi da ỹo'oxoraq qanqa'en da qailareñi. Qaq nam saqỹet naxa da hueta'a ye ndaqa' maye qui'itta, qataq nam hueta'a ye huaqta'a't nỹecpi maye huaña nam no'on maye ỹo'otpi co'ollaxa, icoua'ai namayepi. ¡Qaq de'era nataqa'en qaica ca naigui!

Da na'aqtaguec so Job 27:23

Nache na la'at ỹataqta ỹauota'a na nalataxa, qataq na l-llimiaxa da icanapec camaye.»

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

2 Crónicas 32:33

Qaq co'ollaq ileu so Ezequías, nache qaỹachaigui so pa'asheguem aso nhuachiquipi so llalaqpi so David. Qaq 'enauac so shiỹaxauapi maye hueta'a ye Judá qataq ye Jerusalén, ỹataqta huo'o naq 'enec naqa'en somaye, qaq dam lo'onataxanaxac somaye, nache talec so llalec Manasés.

Da na'aqtaguec so Job 24:20

Qataq aca lalamaqte late'e camaye qalaq icoua'ai, qaq na qoche'l qalaq chec qome camaye, qataq ỹataqta qaica ca iuennata'a qome camaye. Ca qauemaic hua'axañi qome 'eeta'am aca qo'oipaq da qaiquesoqot.

Salmos 34:16

Ñim Nataxala' dataỹa'aguet na ỹo'ottac na qauemsat, da yaqto' ỹapalaxat da le'enaxat namayepi da huetalec ana 'alhua.

Proverbios 22:1

Ỹataqta ỹactec da huo'o naq naigui da no'on na'aqtaguec ca shiỹaxaua qaq saq 'ena'am ca nsallaxa, qataq da no'on da na'aqtaguec ca shiỹaxaua saq 'ena'am ca qalota oro qataq plata.

Isaías 14:22

Ñim Nataxala' maye Qaica ca Ỹaqalanapec, 'eeta': «Aỹem ñachaañi qome da sataỹa'aguet namayepi, nache imeuo ñaqa'en da le'enaxat ye Babilonia, qaq cam no'onalec qome yemaye, qalaq cañe' ca llalaqpi qataq laualpi.

Salmos 34:17

Ñim Nataxala' ỹataqta hua'axaỹa da natamnaxac nam no'on da lataxac, qataq isoueeguesop 'enauac da laquicoxo.

Salmos 41:5

Cha'aye na ñepa'aguenaxauapi aỹem ỹasaqtapeguelec da qauem, 'eeta': «¿Chaq laguio' qaq ileu ñimaye, yaqto' qaicoua'ai?»