Proverbios 10:6 - La'aqtaqa Ñim Lo'onatac 'Enauacna 2013

⁶ Ca ỹale no'on da lataxac camaye talec da na'achecỹaxac, cam qauemaic qalaq ipa'axaañi da nloquiaxanataguec.

Proverbios 10:6 Referans Kwoze

Deuteronómio 28:2

Qataq 'enauac ne'ena nchoxonnataxanaxapi 'am talec qome da ỹataqta 'aualaxaguet Ñim Nataxala' maye 'Anatamnaxala'.

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Proverbios 24:25

Qalaxaye ca ỹo'ot ca nhuaxanaguec ca huo'o ca ỹasouaxat, camaye machiguiñi, qataq talec da lta'araic nchoxonnataguec.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Da na'aqtaguec so Job 29:13

Qaq na huetapoigui da mashe qaica ca ye, aỹem ỹaatacot naxa da na'achec, qataq da itaunaxanaxac ỹataqta machiguiñi naqa'en da lquiyaqteỹaxac ana pa'aipi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Proverbios 11:26

Qaq ca imattega't na ala na trigo, qalaq na shiỹaxauapi isheuen camaye, qaq ca imen namaye qalaq qaichoxoren.

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

Ester 7:8

Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

Proverbios 10:5

Ca deqataxan da nvi' ye cotap qalaq ỹaanaxanaxaic, qaq ca do'ocheta da huo'o da no'onataxanaxac qalaq taỹa'a da huo'o da la'aloxo.

Abdías 1:10

Qaq souaxat da ỹataqta sa 'auyacnapec qataq 'aualauat so 'arqaỹa Jacob, nache 'am talec qome da ncoxo, qataq ỹataqta imauec da 'am qailaxachigui.

Proverbios 3:33

Ñim Nataxala' ỹasaxalec ca qauem ca lma' ca qauemaic, qalaxaye ỹasaxalec da lchoxonnataxanaxa ca lma' ca no'on da lataxac.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.