Proverbios 10:4 - La'aqtaqa Ñim Lo'onatac 'Enauacna 2013

⁴ Ca sa qallegueme da do'onataxan qalaq taỹa'a da choxoraq, qaq ca ỹaguec da lo'onataxanaxac qalaq taỹa'a da sallaxanec.

Proverbios 10:4 Referans Kwoze

Proverbios 21:5

Da ỹataqta qaiuennataxaalec na qalapaxañipi nache huo'o ca naigui, qaq da nỹalaqtoc ca qaỹo'ot qalaq taỹa'a da nlaguiñi.

Proverbios 20:4

Da ivita da qana'atsheguem na 'alhua, qalaq ca hualaic saishet da da'araxan, qalaxaye da ivita da qanqat na nañiguishec ala, nache nmittaique namaye qalaxaye sa ỹanata.

Proverbios 19:15

Da nhualaxa ỹo'ot na lta'araic no'ochaxa, qataq ca hualaic ỹataqta huo'o na lqouaxa.

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Proverbios 20:13

Saishet qome da 'anañaneguet na 'aro'ochaxa yaqto' saishet da 'am choxoraq, qataq ỹataqta 'anlotec yaqto' na 'oq saishet da imeuo.

Proverbios 19:24

Ca hualaic ỹauota'a na lhuaq da ỹacongui ca lquia'axaqui, qalaxaye saỹañoxot da ỹasaxaigui na alap ca aloq.

Proverbios 12:24

Ca do'onataxaatac qalaq ishet da damaxasoxonapec, qaq ca hualaic qalaq choche qailattac.

Proverbios 11:24

Ca shiỹaxaua sa naloqnañi na ỹan, nache nataqa'en ỹactec ca ỹaconeguet, qaq ca shemataqaic qalaq taỹa'a da lachoxoyec.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Eclesiastés 10:18

Qaq souaxat da nhualaxa, nache ivira'a da nmetapiguiñi ca nhuo' lapo', qataq souaxat da qansoqtrauo naua nhua'q nache ivira'a da ỹataqta nlaguiñi ca nỹec.

Proverbios 10:5

Ca deqataxan da nvi' ye cotap qalaq ỹaanaxanaxaic, qaq ca do'ocheta da huo'o da no'onataxanaxac qalaq taỹa'a da huo'o da la'aloxo.

Proverbios 12:27

Ca 'ipiaxaic maye hualaic saishet da huo'o ca ỹachiguiñi, qaq ca hualaxaunaxaic qalaq ishet da ỹachiguiñi da nsallaxa.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Génesis 26:32

Qaq nacheso se'eso na'a'q, da so lamaxashecpi so Isaac ndoua'a somaye da la'axaỹaxac, da somayepi mashe iviyiña so 'etaxat aso nshere maye nshettac.