Proverbios 10:3 - La'aqtaqa Ñim Lo'onatac 'Enauacna 2013

³ Ñim Nataxala' saishet da iqouat naqa'en ca no'on da lataxac, qalaxaye ỹo'otec da iqouat ca qauemaic.

Proverbios 10:3 Referans Kwoze

Salmos 37:25

Co'ollaq ñaq aỹem nsoqolec qataq nagui da mashe aỹem ỹa'axaiquiolec, qalaq saishet da sauaachigui da qaỹalata'a't na no'on da lataxac, qataq saishet da sauaachigui na llalaqpi da dashelaxaataique ca aloq.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Salmos 37:19

Qataq da ivita da qauema naua na'axa'te, qalaq namayepi qaica ca iueetac, qataq da ivita da huo'o na nqouaxa qalaq namayepi huañi na aloq.

Salmos 33:19

da yaqto' nca'alaxateeguesop namayepi da nleuaxa, qataq ỹanem da lca'alaxa da ivita da huo'o na nqouaxa.

Da na'aqtaguec so Job 5:20

Da ivita da huo'o ca nqouaxa qalaq 'am nca'alaxateeguesop ca nleuaxa, qataq da ivita da huo'o ca alaataxac qalaq 'am, nca'alaxateeguesop ca ỹeelonec.

Lucas 12:31

Qalaxaye dam ỹataqta ỹaỹamaqchiguiñi 'eeta': qauauattoñiita da Ñim Lo'onatac 'Enauacna nacheñita 'oonolec Nta'a. Qaq 'enauac na laỹepi maye qaviñiitac Ñimaye qami' ỹanema da ivita ca laloqo' naqa'en.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Salmos 112:10

Qaq ca qauemaic da ila'a de'era nache dalemata, nache inaga't naua lhue qalaxaye taỹa'a da imeuo. Qataq da lqopitaxanaqtaic na qauemaicpi taỹa'a da imeuo.

Da na'aqtaguec so Job 20:28

Cha'aye da lalemataic Ñim Lo'onatac 'Enauacna talec qome camaye, nache daqat 'enauac da lsallaxa.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Proverbios 13:25

Ca no'on da lataxac qalaq ỹataqta comaraxaic da deque'e, qaq ca qauemaic qalaq nda'a't na lqouaxa.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Proverbios 28:25

Ca quetague' da lqopitaxanaqtaic camaye ỹo'otteua'a da loquiaxac, qaq ca pi'iỹa'a Ñim Nataxala' qalaq camaye nquictasheguem.

Da na'aqtaguec so Job 15:23

Qataq isomtapigui', qataq tata'a da aloq na teguesanpi. Qataq ỹaỹaten da taỹa'a da imeuo.