Proverbios 10:26 - La'aqtaqa Ñim Lo'onatac 'Enauacna 2013

²⁶ Ca ỹamaq ca na'aqtaxanaxanec hualaic qalaq 'eeta'am da maiche ñe'euai' naqa'en naua lhue qataq da taiguilo naua la'ai'te ca lmala'q.

Proverbios 10:26 Referans Kwoze

Proverbios 26:6

Da qaỹachoxoolec ca na'aqtac ca qaica ca ỹaỹaanapec, nache 'eeta'am da qaicheguerec naua nchel huo'otaq da qanque'etaxangui da loquiaxac.

Proverbios 25:13

Que'eca namaxashec maye ỹataqta ipacchiguilo naua la'aqtaqa ca na'aco', camaye 'eeta'am na latomaxa ana aloñi ca na'a'q maye napaxaỹañi, cha'aye ỹo'ot da dalaxaic la'añaxac ca na'aco'.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Mateo 25:26

Nache se'eso ỹale 'enapeco': «'Am namaxashec qauemaic qataq hualaic, cha'aye 'auaỹaten da aỹem qaramchigui,

Proverbios 25:20

Da qaỹo'onaxaalec ca shiỹaxaua maye daquicotac, damaye 'eeta'am ca lataxa 'euaxaic da qaicorelec ca ncolaxa, huo'otaq da qanqa't naua anogo da huo'o na latomaxa.

Romanos 12:11

Da qauo'onataxañiitac qalaq qanasapacheetac, saishet da qami' hualaiqa. Qauo'onataxañiitacot Ñim Lo'onatac 'Enauacna ỹataqta imauec da qarquiyaqteỹaxaqui.

Isaías 65:5

Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.

Proverbios 6:6

'Am hualaic, 'anqo'ona qome da 'aumeten ca qaguesaq, nache 'aumeteeta ca ỹo'ottacpi nache 'aue'enaxat camaye,