Proverbios 10:25 - La'aqtaqa Ñim Lo'onatac 'Enauacna 2013

²⁵ Da ỹoxogue ca la'at lta'araic nache imeuo ca qauemaic, qaq ca no'on da lataxac qalaq nache 'eetai' da nachattañi.

Proverbios 10:25 Referans Kwoze

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

Salmos 58:9

Qataq ỹavic 'eeta'am ana ỹaxat, qom saxanaxa da dauattonaxan. Qataq saỹala'ac na la'at da napogosheguem 'eeta'am naqa'en na 'auaqpi darala huo'otaq deqaqta.

Proverbios 12:3

Da qauem saishet da nache 'eetai' da na'attañi naqa'en ca shiỹaxaua, qaq ca no'on da lataxac qalaq nache 'eetai' da na'attañi qaica ca iraxanai'.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

1 Timoteo 6:19

Yaqto' huo'o ca lsallaxa cam natauo na'a'q qataq nachera da ỹauegueua'a da lactapiguiñi da huetaigui cam achaalataxac maye chochaq tatec.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Isaías 40:24

Namayepi 'eeta'am aca isottac nañiguishe maye cheta'ague da qoỹaañi, maye cheta'ague da ỹa'alyiñi naua lpa'aye ana 'alhua. Qaq Ñim Lo'onatac 'Enauacna da ỹasheerelec na la'at namayepi nache deqaqa, qataq na la'at lta'araic ỹaỹoxonaqchet 'eeta'am naqa'en ca deqaqta 'auaqpi.

Proverbios 12:7

Na qauemaicpi qalaq huañi, nache imeuo, qaq na llalaqpi ca no'on da lataxac qalaq nache 'eetai' da na'attañi.

Proverbios 1:27

Qom qami' nvitalo ca qarcolanqai qataq ca lqalaicpi, nache sa qauaỹaañi ca qoñeetec souaxat da qaraquicoqoi, maye 'eeta'am aca daua'ache da nlaxaañi 'enauacna.

Da na'aqtaguec so Job 21:18

¿Che laguio' co'ollaxa da ilagaxattac namayepi, da 'eeta'am naqa'en na 'auaqpi, da ỹache ana daua'ache?

Proverbios 10:30

Ca no'on da lataxac qalaq saishet da huañi, qaq na qauemaicpi qalaq saishet da nache 'eetai' da huetalec ana 'alhua

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

Da na'aqtaguec so Job 20:8

Camaye deqat 'eeta'am ca nchoxonaxac, qataq ca nauanaqchec ye pe, maye saishet da qaltaq qaỹanata.

Salmos 58:10

Qaq ca no'on da lataxac qalaq machiguiñi qom ila'a da huo'o da lvi', qataq qom huaguilo naua lapia'ate, na ltago'q na qauemaicpi.

Salmos 125:1

Nam pe'etegapi Ñim Nataxala' 'eeta'am añi qasoxonaxa ye Sión, maye chochaq tatec qataq saishet da deraỹapigui'.