Proverbios 10:22 - La'aqtaqa Ñim Lo'onatac 'Enauacna 2013

²² Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Proverbios 10:22 Referans Kwoze

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

Génesis 26:12

Qaq so Isaac, ỹauo'o co'ollaxa so lañiguishec huaña yemaye se'eso vi'i, qaq ỹataqta 'onaxaic, qataq qalota na ala so lañiguishec, cha'aye Ñim Nataxala', ỹaalec da lchoxonnataxanaxa somaye.

Génesis 24:35

Ñim Nataxala' ỹataqta qalota da lchoxonnataxanaxa ñi ña'aco', nache ỹo'ot da sallaxanec naqa'en ñimaye, ỹanem ana qaguetapi, huacapi, oro qataq plata, qataq na lamaxashecpi, qataq ana lamaxashepi 'alpi, qataq cameellopi qataq 'ashenapi.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Salmos 37:22

Ñim Nataxala' nam ỹanem da nqouagaxa, namayepi talec qome da lalamaxat na 'alhua, qaq na ỹasaxalec da qauem qalaq namayepi nlaguiñi.

Proverbios 20:21

Na hua'auchiguiñi nalamaxatpi maye qaica ca lqalaic da qaỹaconeguet, namayepi da ivita ca loga't qalaq saishet da ỹo'ot ca namaicỹaxac.

Génesis 13:2

Qaq so Abram ỹataqta sallaxanec, cha'aye huo'o so lalamaxat oro, qataq lcat plata qataq so qalota lalopi shiguiỹacpi.

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Génesis 14:23

da aỹem saishet da huo'o ca sacona na 'aralamaxatpi, ivira'a ca lquet ca pela', yaqto' saishet qome da qonapec, da nache 'am da aỹem 'ausallaqchet.

Josué 6:18

Qalaxaye qami' ỹataqta qarvichiỹa'a qome da huo'o ca qauacoñiỹa, cha'aye Ñim Nataxala' ỹan da 'enauac qanlaxatchiguiñi namayepi. Cha'aye qom huo'o ca qauacoñiỹa, nache qailaxachigui ye lanataqa'pi na Israel le'ecpi qataq huo'o qome ca lta'araic qanque'eenaxac.

1 Reyes 21:19

Nache qonapega qoneta': ‹Da la'aqtac Ñim Nataxala', 'eeta': Qaq souaxat da 'aualauat so Nabot, qataq 'auotaxanec na lalamaxat somaye, nache yem huaña co'ollaxa da so pioxoppi, napilectalec so ltago'q so Nabot, nache huaña qome nataqa'en da ca pioxoppi, napilectalec ca 'artago'q.›»

Génesis 26:13

Qaq somaye ivira'a da ỹataqta sallaxanec, qataq ỹataqta qalota so lalamaxatpi.

Deuteronómio 26:10

Qaq ỹoqo'oye nagui, aỹem ñerouo ne'ena la'auaxanec ala na ỹañiguishec maye ñaxaalec ne'ena 'alhua, maye aỹem ỹanem Ñim Nataxala' maye Qanatamnaxala'. Qaq da ime, nache 'aỹa'aneuo aca'aca 'arachetaqtaxanaqte maye huetangui aca'aca npaqta, ỹauaachigui 'anqa'en Ñim Nataxala' maye 'Anatamnaxala', nache 'aua'aroto naua 'al-llecte da 'avio'oxoren Ñimaye.

Deuteronómio 28:11

Qataq Ñim Nataxala' 'am ỹanem qome da lchoxonnataxanaxa, nache ỹataqta qalota naqa'en ca 'aỹa'alaqpi, qataq ca llalec ca 'arelo shiguiỹacpi, qataq sa qoue naqa'en da alaỹaxac ca 'añiguishecpi maye ñaxaalec yi'iye 'alhua maye Ñim Nataxala' ỹachaxanapeguem co'ollaxa so hua'au 'arta'alpi.

2 Crónicas 25:9

Nache so Amasías inat som nale Ñim Lo'onatac 'Enauacna, 'eeta': «Qaq ¿ca 'eeteco' qome ca lataxac som tres mil trescientos kilos so plata maye sanem so alleppi Israel le'ecpi?» Nache som nale Ñim Lo'onatac 'Enauacna ỹasateguet somaye, 'eeta': «Ñim Nataxala' ishet da ỹactec naqa'en cam 'am ỹanem, napacalec naqa'en somaye.»

Proverbios 8:21

Ca aỹem ỹauotec qalaq sanem ca lalamaxat, qataq ñelaxatchigui ca lma' da lsallaxa.

Proverbios 14:24

Da laỹaanec ca ỹaanaxanaxaic nachera da ỹo'ot da llo'oxoyec, qaq ca qaica ca ỹaỹaanapec qalaq laueguec da no'oopashaxac.

Daniel 1:15

Qaq co'ollaq inoxoorec soua diez na'axa'te, nache da lashiguiỹaxa'c soomaye ỹataqta 'onaxaiqa qataq sansatte', qaq saishet da 'ena'am som laỹepi nsoxoppiolec maye deque'etegueua'a na aloq so nta'a.

1 Crónicas 4:10

Qaq so Jabés nachoxonnot co'ollaxa Ñim Natamnaxala' na Israel le'ecpi, 'eeta': «Ñaq aỹem 'auchoxoren, qataq aỹem 'aỹa'anem ca qalochiguiñi 'alhua, aỹem 'autauan qataq aỹem 'ausoueeguesop na qauemsat, yaqto' saishet da nache queta da ñeque'eenaxac.» Qaq Ñim Lo'onatac 'Enauacna ỹanem som iỹaxanaique co'ollaxa somaye.

2 Crónicas 32:27

Qaq so Ezequías ỹataqta huo'o co'ollaxa so lta'araic lsallaxa qataq la'amaqchec, nache ivira'a da qalota so laỹamaqtac lcat plata, oro qataq so no'on coma', coraxatpi, npaqtaxanaqtepi, qataq so nogoxoshetpi maye huo'o da lasheechiỹaxac.

2 Crónicas 32:29

Nataqa'en damaxasoxoolec da qano'oxoosheguem so huaqta'a't nỹecpi, qataq nataqa'en qalota so na'atetpi shiguiỹacpi nam lta'araic qataq nam qapio'olecpi, cha'aye Ñim Lo'onatac 'Enauacna ỹanem co'ollaxa somaye da qalota da lsallaxa.

Salmos 127:2

Qataq qaica ca naigui da qano'ocheetasheguem qami', qataq da qaỹoqtegue ca pe da qauo'oche, da yaqto' qollequiitac ca nallec maye chegaqaigui da qarasamaqai, cha'aye Ñim Lo'onatac 'Enauacna ỹanem da no'on da lo'ochaxa nam nauochaxauapi.