Proverbios 10:21 - La'aqtaqa Ñim Lo'onatac 'Enauacna 2013

²¹ Naua la'aqtaqa ca ỹaanaxanaxaic qalota ca ỹapaxaguen, qaq ca qaica ca ỹaỹaana'a qalaq ilem da qaica ca ỹaỹaanapec.

Proverbios 10:21 Referans Kwoze

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Mateo 13:19

Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Proverbios 1:29

cha'aye qauo'otañi da naỹaanec, qataq qaica ca 'enec qanqa'eñi Ñim Nataxala'.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Proverbios 5:23

Dam sa ỹaỹamaxañi lataxac nachera da ỹauecta'a da nleuaxa, qataq souaxat da qaica ca ỹaỹaana'a nache taỹa'a da daqat.

Proverbios 5:12

Qaq qoneta' qome: «¡Che'eeto' co'ollaxa da sa saconeguet so nhuogoqtaxanaxac! Qataq ¡che'eeto' co'ollaxa da sa saconegueta naua ñeviraqtagueeco!

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Proverbios 12:18

Huo'o na shiỹaxaua deque'emaqtaxa'n naua la'aqtaqa, qaq naua la'aqtaqa ca ỹaanaxanaxaic qalaq datannaxa'n.

1 Pedro 5:2

Qanchilỹa'a na shiỹaxauapi maye qami' ipataxagueta Ñim Lo'onatac 'Enauacna da qauloỹeegue, cha'aye namayepi lalamaxat Ñimaye. Qanchilỹa'a namayepi 'eeta'am da ltelaqtaxanaxac ca qagueta lo'o da ntela'a aca ilotague' lalopi. Qaq damaye ỹataqta qanasapacheetelec da qauo'ocheetac, cha'aye nachera da 'eetapeguec Ñim Lo'onatac 'Enauacna qaq saishet da choche qami' qaỹamaqtaleguete. Saishet da qauo'ocheetac damaye da choche qanaquicheeta'a da qanaviqui aca anom, nachaqrata da ỹataqta qanasapacheetelec da qaro'onataxanaxaqui.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Jeremías 3:15

Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Eclesiastés 12:11

Naua la'aqtaqa nam ỹaanaxanaxaicpi qalaq 'eeta'am aca le aca na'araxanaqte, qaq da mashe ime da qalaỹona't, nache 'eeta'am aca lashe ca npe'l maye iuaxaañi cam qagueta lo'o.

Isaías 5:13

Qaq ỹoqo'oye na ỹalamaxat nhuo' le'ecpi qaỹauega qome ca ỹaqa'a 'alhua souaxat da saishet da aỹem ỹauatton, 'enauac na nhuo' le'ecpi qataq na lataxala'pi ilem qome na lqouaxa qataq na laquip.