Proverbios 10:2 - La'aqtaqa Ñim Lo'onatac 'Enauacna 2013

² Da nsallaxa maye chegaqaigui da ncachaxac qaica ca naigui, da no'on nataxac qalaq ishet da huo'o ca isoueeguesop da nleuaxa.

Proverbios 10:2 Referans Kwoze

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Proverbios 21:6

Da nsallaxa maye qaỹachegoxotaigui da natenataxanaxac, damaye saqaỹauec qataq imeuo naqa'en ca nmitta'a da nleuaxa.

Proverbios 12:28

Da llecỹaxac da nalochiguiñi lataxac chegaqaigui da nca'alaxa, qaq se'eso nqa'aic qaica ca nleuaxa.

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Ezequiel 7:19

Qataq ỹasaxauga ca nqa'aic ana alom lcat plata, qataq ỹasaxauec na lalamaxat lcat oro, 'eeta'am naqa'en ca lasogoñi. Qaq na lalamaxat oro qataq ana alom lcat plata, saishet qome da nca'alaxatec namayepi que'eca na'a'q maye huaigui da lalemataic Ñim Nataxala'. Qataq saishet da vi'iiguet na lqouaxa, cha'aye na lalamaxat oro nachena na ỹo'ot da talec namayepi da qauem.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Filipenses 3:9

qataq yaqto' aỹem qaila'a da ña'attaua'a So Cristo. Qaq saishet da chegoqchigui da no'on ỹataxac souaxat da salaxaguet na namaxasoxonaxacpi, nacherata da no'on nataxac maye ỹanem Ñim Lo'onatac 'Enauacna cam ỹa'amaqten So Cristo, dam no'on nataxac maye chegoqchigui da npi'iỹaxac.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Proverbios 13:11

Da nỹalaqtoc nsallaxa, damaye taỹañecra, qaq ca npottac da laỹonaxanaxac qalaq nquictasheguem da lsallaxa.