Proverbios 10:15 - La'aqtaqa Ñim Lo'onatac 'Enauacna 2013

¹⁵ Da lsallaxa ca sallaxanec nachera da npaxattalec, qaq ca choxoraq qalaq nlaxaañi da lachoxoyec.

Proverbios 10:15 Referans Kwoze

Proverbios 18:11

Ca sallaxanec ipi'itaxaatega da 'eeta'am ca huaqta'a't nỹecpi da lsallaxa, qataq 'eeta'am naqa'en ca qaỹoqotcheguemec npaqtaxanaxat.

Proverbios 19:7

Ca choxoraq qalaq ivira'a ca lqaỹañecpi da ỹo'otan, qaq nache 'eetec nataqa'en na nauochaxauapi da ca'ai camaye. Na'aictoxo' da nachoxoreeta da nmittaique ca na'aqtaxane' qalaxaye saishet da ỹanata.

Salmos 52:7

«Ña qauloỹa ñim saishet da nmitaique, da ỹe'eguenot Ñim Lo'onatac 'Enauacna, nacherata da pe'etega da lta'araic lsallaxa, qataq nache queto'ot da lle'etaxaloxo.»

Proverbios 14:20

Ca choxoraq qalaq ivira'a na nauochaxauapi da ỹaỹemec camaye, qaq ca sallaxanec qalaq qalota na nauochaxauapi.

Eclesiastés 7:12

Cha'aye da naỹaanec qataq aca anom, 'eeta'am aca npaqtaxanaqte, qalaxaye da naỹaanec ỹactec da naigui, cha'aye ỹami' da lca'alaxa cam hueto'ot damaye.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Marcos 10:24

De'era na'aqtac ỹataqta ỹe'elaqche't soua lapaxaguenataqa So Jesús. Qalaxaye Somaye qaltaq ỹe'eguelaxalec da la'aqtac, 'eeta': –Qami' ñauochaxau', ¡ỹataqta huo'o da lqalaic da qainoxoneua'a da lo'onataxanaxac Ñim Lo'onatac 'Enauacna!

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Salmos 49:6

Nam pe'etega da lsallaxa, qataq ño'oxoreetapigui na qalota lalamaxatpi,