Proverbios 10:14 - La'aqtaqa Ñim Lo'onatac 'Enauacna 2013

¹⁴ Ca ỹaanaxanaxaic camaye ỹaỹamaxatteque naua lauattonaxanaxaco, qaq naua la'aqtaqa ca qaica ca ỹaỹaana'a qalaq huo'o da lchec.

Proverbios 10:14 Referans Kwoze

Proverbios 18:7

Naua la'aqtaqa ca qaica ca ỹaỹaanapec qalaq nachenaua na maiche nlaxaayiñi camaye, qataq naua maiche la'aqtaqa nachenaua naua maiche que'emaxama.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Proverbios 10:10

Qaq ca naquiaxaatalec ana la'aite qalaq taỹa'a ca qauem, qaq ca qaica ca ỹaỹaana'a qataq taxaỹaxaic qalaq taỹa'a da nlachiguiñi.

Proverbios 9:9

'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Mateo 13:44

Da lo'onataxanaxac Ñim Lo'onatac 'Enauacna, damaye 'eeta'am aca laỹe' ana anom maye qoỹoxotoigui ca 'alhua. Qaq huo'o so shiỹaxaua ilalec asomaye. Nache qaltaq ỹoxooñi, ipagaqchiichiguiña ca lma'. Nache ỹataqta lta'araic da ntonaxac, nache ỹe'eguelaq. Ime, nache imen 'enauac nam logoxoshetpi, nache desheenaxana se'eso 'alhua, da yaqto' lalamaqte aso anom.

Proverbios 21:23

Ca ỹaỹaten da ilotague' ca 'enapec, qalaq saishet da ivireguet ca nque'eenaxac.

Proverbios 19:8

Ca huo'o na ỹaỹaten qalaq ỹauotec da maiche nachaalataxac, qataq ca ntela'a da laỹaanataxanaxac camaye ivira'a da ỹaỹamaxañi.

Proverbios 18:15

Da lquiyaqteỹaxac ca ỹaanataxanaxaic ỹaconeguet da lauattonaxanaxac, qaq da la'axaỹaqchec na ỹaanaxanaxaic qalaq nmitta'ai da naỹaanec.

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Proverbios 17:20

Ca qauema naua lhuennataxaco sa ỹañoxot da ỹanata ca no'on, ca tenataxanaxaiqa naua la'aqtaqa camaye taỹa'a ca qauem.