Proverbios 10:13 - La'aqtaqa Ñim Lo'onatac 'Enauacna 2013

¹³ Naua la'aqtaqa ca ỹaanaxanaxaic chegaqaiguilo da naỹaanec, qaq ca qaica ca ỹaỹaana'a qalaq taỹa'a da qaiuaxaalec na l-laq ca nhuaxanaxanaxat.

Proverbios 10:13 Referans Kwoze

Proverbios 26:3

Ca caaỹo qaira'a ca nhuaxanaxanaxat da qaỹo'oxoỹaqchet, qataq ca 'ashena qoỹanaguilo caua lqueenaxanaqa'ate, qataq ca nhuaxanaxanaxat qairolec ca qaica ca ỹaỹaanapec da qaiuaxan.

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Proverbios 27:22

Ca qaica ca ỹaỹaanapec na'aictoxo' da 'eeta'am aca nañiguishe ala da ỹataqta qailaxachigui da qaisoigui, qalaxaye camaye saishet da qanqateeguesop da qaica ca ỹaỹaten.

Proverbios 20:15

Huo'o na oro qataq qalota na ỹataqta 'onaxaic coma', qalaxaye ỹataqta ỹactec da lyacỹaxac naua la'aqtaqa da detaqa ca ỹaanaxanaxaic,

Proverbios 19:29

Mashe sogote da qaiqataxaatai' da nhuaxanaguec na sancherapecpi, qataq na nhuaxanaxanaxat da yaqto' qaiuaxaalec na l-laq ca qaica ca ỹaỹaanapec.

Proverbios 17:10

Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.

Proverbios 15:23

Ỹataqta 'onaxaic da ỹaỹamaqchiguiñi ca nasataxac, lamaaxa da huaqchigui da ỹoqta qaiuen.

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Proverbios 10:31

Naua la'aqtaqa ca no'on da lataxac qalaq chegaqaiguilo da naỹaanec, qaq ca qauema naua la'aqtaqa qalaq taỹa'a da qaicheguec na lachaxat.

Proverbios 10:21

Naua la'aqtaqa ca ỹaanaxanaxaic qalota ca ỹapaxaguen, qaq ca qaica ca ỹaỹaana'a qalaq ilem da qaica ca ỹaỹaanapec.

Salmos 32:9

Qaq saishet qome da qoneta'am na 'ashena huo'otaq na caaỹo, maye qaica ca ỹaỹaanapec nache iuen da qaỹauo'o ca nmiiguishec qataq naua lqueenaxanaqa'ate da yaqto' qanllañi, cha'aye da sa qoỹeetec de'era, nache saishet da qaipoteua'a.»

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Proverbios 7:22

nache somaye ca'ategue asomaye 'eeta'am ca nauegaxanaxala' huaca da taỹa'a qanqa'en ca nalaataqa', qataq 'eeta'am ca chegaxango da nqoishec,

Éxodo 10:12

Qalaxaye Ñim Nataxala' 'enapega so Moisés, 'eeta': «'Auachaxaasheguem na 'arhuaq, 'analoqteetelec na Egipto, yaqto' anac aca shiiquioxoipi, yaqto' chec 'enauac ana nañiguishepi na Egipto qataq 'enauac anam lli'iỹoqte aso lache.»

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

Proverbios 16:21

Ca ỹaanaxanaxaiqa naua lhuennataxaco qalaq camaye qaỹamata'ac da ỹaanataxanaxaic, qaq naua na'aqtaqa soxoraiqa, qalaq nquigaxatec na qaỹaỹaten.