Proverbios 10:11 - La'aqtaqa Ñim Lo'onatac 'Enauacna 2013

¹¹ Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Proverbios 10:11 Referans Kwoze

Proverbios 13:14

Da lapaxaguenataxanaxac ca ỹaanaxanaxaic chegaqaigui da nca'alaxa qataq ishet da nca'alaxateeguesop ca ỹale da loxonaxanaxac da nleuaxa.

Proverbios 10:6

Ca ỹale no'on da lataxac camaye talec da na'achecỹaxac, cam qauemaic qalaq ipa'axaañi da nloquiaxanataguec.

Proverbios 18:4

Naua la'aqtaqa ca ỹale 'eeta'am na 'etaxat maye qaỹoqchiguingui, qataq 'eeta'am na tala la'auataxa da chegaqangui na naỹaanec.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Proverbios 20:15

Huo'o na oro qataq qalota na ỹataqta 'onaxaic coma', qalaxaye ỹataqta ỹactec da lyacỹaxac naua la'aqtaqa da detaqa ca ỹaanaxanaxaic,

Proverbios 15:7

Na ỹaanaxanaxaicpi naua la'aqtaqa, qalaq ilagaxatrec da naỹaanec, qaq na lhuennataxaco na qaica ca ỹaỹaanapec, qalaq saishet da nache 'eetec de'era.

Proverbios 10:32

Ca no'on da lataxac qalaq no'oñi naua la'aqtaqa, qaq ca qauemaic qalaq qauema naua la'aqtaqa.

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.