Proverbios 10:10 - La'aqtaqa Ñim Lo'onatac 'Enauacna 2013

¹⁰ Qaq ca naquiaxaatalec ana la'aite qalaq taỹa'a ca qauem, qaq ca qaica ca ỹaỹaana'a qataq taxaỹaxaic qalaq taỹa'a da nlachiguiñi.

Proverbios 10:10 Referans Kwoze

Salmos 35:19

Saishet qome da aỹem ntootalec na ñepa'aguenaxauapi, qataq saishet da naquiaxaatalec ana la'aite nam choche aỹem nquiỹatega.

Proverbios 6:13

qataq naquiaxaatai'salo naqa'en naua la'ai'te, da huo'o ye ỹecapega qalaq huota'aisalo naua lapia'ate qataq naua llaxaata,

3 Juan 1:10

Qaq ỹoqo'oye qom qami' ñamaqtegalo, nache ỹataqta shenapega camaye, cha'aye qauema naua ltaxaỹaxaco da qomi' detaqtegalo. Qataq saishet da nachaqrata damaye nataqa'en saishet da ỹaconeguet na quetague' So Cristo maye ỹaqa'a ca chegaqa'ague. Qaq da huo'o ñim huotaique da ỹaconeguet namayepi ca lma' qalaq saishet da ỹashenem, qataq ỹamaqauec da ca'ai naqa'en na 'amqaanataxanaxaicpi.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Da na'aqtaguec so Job 15:12

¿Ta'ainco' da qoquetague' da maiche 'arquiyaqteỹaxac, qataq da 'ettapoiguilo naua 'ara'ai'te da 'aralemataic?

Proverbios 10:14

Ca ỹaanaxanaxaic camaye ỹaỹamaxatteque naua lauattonaxanaxaco, qaq naua la'aqtaqa ca qaica ca ỹaỹaana'a qalaq huo'o da lchec.

Proverbios 16:30

Ca naquiaxaalec ana la'aite qache lhuennataxa da ỹo'ot ca qauem, qataq ca inaigui na alac qache mashe ime da ỹo'ot ca qauem.