Proverbios 10:1 - La'aqtaqa Ñim Lo'onatac 'Enauacna 2013

¹ Naua la'aqtaqa so Salomón, 'eeta': Ca ñalec ỹaanaxanaxaic, machiguiñi naqa'en ca lta'a, qaq ca ñalec qaica ca ỹaỹaana'a qalaq ỹo'ot da nque'eenaxac aca late'e.

Proverbios 10:1 Referans Kwoze

Proverbios 1:1

Naua la'aqtaqa so Salomón, som llalec so nta'a David, maye nta'a ye Israel,

Proverbios 29:3

Ca ñalec ỹaanaxanaxaic ỹo'ot da machiguiñi ca lta'a, qaq ca nnaigaxaua aca quisheguetaxai qalaq choche ỹa'ashaxan ana alom.

Proverbios 17:25

Ca ñalec qaica ca ỹaỹaanapec ỹo'otec da lalemataic ca lta'a, qataq ỹo'ot da nqui'ic aca late'e.

Proverbios 29:15

Ca nalashenaxanaxat qataq da qanlaxanec ca shiỹaxaua damaye chegaqaigui da naỹaanec, qalaxaye ca ñalec maye saiuooneguet da qaitaxaỹot, ỹo'ot da la'aloxo aca late'e.

Proverbios 15:20

Ca ñalec ỹaanaxanaxaic machiguiñi naqa'en ca lta'a, qaq ca ñalec qaica ca ỹaỹaanapec qalaq qaica naqa'en ca naigui aca late'e.

Proverbios 17:21

Ca ñalec qaica ca ỹaỹaanapec ỹo'ot da nqui'ic ca lta'a, qataq ca ñalec 'oopaic ỹo'ot da qaica ca lamaic ca lta'a.

Proverbios 19:13

Ca ñalec qaica ca ỹaỹaanapec qalaq ỹo'ot da nque'eenaxac ca lta'a. Qaq aca 'alo maye ncotaxai qalaq 'eeta'am aca llo'oxo maye sanme.

Eclesiastés 12:9

Qaq co'ollaq mashe ỹaguec na laỹaanec so 'aqtaxanaxaic, nache nquictec nam naỹaanec maye ỹapaxaguenec nam shiỹaxauapi. Qaq nataqa'en nañaneguet da ỹacoolec da napaxaguena nam qalota ntaxaỹaxacpi, qataq da ỹaỹamaxatchiguiñi da iỹottecache.

Eclesiastés 2:19

Qaq huo'o dam ỹataqta 'eesa, da camaye na'aictaxa da ỹaanaxanaxaic huo'otaq da qaica ca laỹaanataxanaxac, qalaxaye camaye ỹauo'o lalamaxat qome, 'enauac nam ỹataqta lta'araic da ỹo'onataxanaxac co'ollaq so'ottac, qataq so'ogoxona da ỹaỹaanec da yaqto' ishet da aỹem hueto'ot namayepi ana'ana 'alhua. ¡Qaq damaye nataqa'en ỹataqta qaica ca naigui!

Proverbios 25:1

Ne'ena nataqa'en la'aqtacpi so Salomón, maye nataqa'en ỹiyiñi co'ollaxa so leraxanaxanecpi so Ezequías, som nta'a ye Judá, 'eeta':

1 Reyes 4:32

Qaq somaye ivi' tres mil som ỹa'ara't la'aqtacpi, qataq mil cinco som ỹo'ot lo'onecpi.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Proverbios 27:11

'Anaỹaanaxanaqcheno' 'am ỹalcolec, yaqto' samachiguiñi, yaqto' aỹem ishet qome da sasateguet ca aỹem ipa'agueetac.

Proverbios 29:17

'Anhuogaxa ca 'aỹa'alec yaqto' 'aulactapiguiñi, qataq ỹataqta 'auamachiguiñi.