Proverbios 1:9 - La'aqtaqa Ñim Lo'onatac 'Enauacna 2013

⁹ cha'aye 'eeta'ama ca 'onaxaic 'ano'otaxat: 'eeta'am aca ỹataqta 'onaxai nqola, huo'otaq ca 'onaxaic llo'oxoraxat na 'arqaic.

Proverbios 1:9 Referans Kwoze

Daniel 5:29

Qaq hauaña nache so nta'a Belsasar, saỹaỹaloxon da damaxasoxoolec da qoỹanaxanaxanguilo so Daniel soua anogo maye tocaleguete da lo'oxoỹaxa'c, qataq ỹaañi qanqa'en so nqolac oro, nache so nta'a ỹa'axatem 'enauac som hueta'a yi'iye qanayeeta'a, da nacheso se'eso na'a'q da so Daniel, qoỹanagui da ltaua so nta'a.

Proverbios 4:9

damaye ỹanagui na 'arqaic ca 'onaxaic llo'oxoraxat, qataq 'am ỹaatem da ỹataqta no'on 'ayo'oxoyec.»

Proverbios 3:22

cha'aye damaye chegaqaigui da 'arca'alaxa, qataq 'am ỹo'oxoren 'eeta'am aca nqola.

Génesis 41:42

nache so faraón nqat aso nchiguishaqte maye la'anaxanaqte maye netagui ana llaxaata, nache ỹanagui ana llaxaata so José. Ime, nache damaxasoxoolec da qoỹanaxanaxanguilo soua anogo maye chegaqaiguilo na lino, qataq qanqolanaxanaxaaña so nqolac oro.

Ezequiel 16:11

Qataq sauo'o co'ollaxa aso 'ano'otaqtepi, qataq sanaguilo naua 'arhuaxaye so 'arhuaxashecpi, qataq sauo'o aso 'arqolapi,

Isaías 3:19

qataq ana nshetepi, nhuaxashecpi, qataq na nqaic lapoxotpi,

Cantares 1:10

¡Ỹataqta 'onaxail naua 'aramelque da 'aỹa'aatrañi naua 'arshete! ¡Ỹataqta 'onaxaic na 'arqosot da 'aỹa'aatañi ana 'arqolapi maye chegaqaigui na conec!

Daniel 5:16

Qalaxaye aỹem ỹa'axaỹaxac da 'am 'aushet da 'auaỹaten cam saishet da qaỹaỹaten, qataq da 'auaỹamaxaañi cam huo'o da lqalaic. Qaq 'am da 'aushet da 'autaxaỹaxan yi'iye na'aqtac, qataq da aỹem 'aua'axatem cam naigui, nache so'ot qome da 'am qoỹanaxanaxanguilo caua anogo maye tocaleguete da lo'oxoỹaxa'c, qataq 'anqolaaña qanqa'en ca nqolac oro, qataq 'am itaua qome de'era ỹo'onataxanaxac.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Cantares 4:9

'Am ỹaqaỹole, maye 'am ñauonaxaua, ỹataqta 'anaueguela't añi iquiyaqte, so choche 'oonolec da aỹem 'auamata'a, qataq can choche sela'a so lquet aso 'arqola.

Salmos 73:6

Qaq ỹoqo'oye da ño'oxonnaxac 'eeta'am da nqolaataña aca nqola, qataq da qaica ca iren 'eeta'am naqa'en aca lapoto.

Proverbios 3:3

Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

Jeremías 35:8

Nache qomi' salaxasoxolec 'enauac nam qomi' ỹamaxaleguete som sachegoxosoxoguet Jonadab, nache qomi' qataq ana qarhuapi qataq na qochalaqpi saishet da ñeỹomaxagui na lataxa,