Proverbios 1:8 - La'aqtaqa Ñim Lo'onatac 'Enauacna 2013

⁸ 'Am ỹalcolec, ỹataqta 'ana'axaỹaxana qome ca lqataxac ca 'arta'a, qataq saishet da qoca'ai ca lapaxaguenataxanaxac aca 'arate'e,

Proverbios 1:8 Referans Kwoze

Proverbios 6:20

'Am ỹalec, ỹataqta 'aualaxagueta qome naua lamaxasoxonaxaco ca 'arta'a, qataq saishet da qoca'aisalo naua lapaxaguenataxanaxaco aca 'arate'e.

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Proverbios 2:1

'Am ỹalcolec, 'auaỹamaxatteque qome naua ỹa'aqtaqa, ỹataqta 'oxotoiguilo qome da 'antoonaxac naua ỹamaxasoxonaxaco.

Proverbios 31:1

Na la'aqtacpi so nta'a Lemuel maye lma' ye Masah, nam na'aqtaxanaxacpi maye ỹapaxaguenec co'ollaxa aso late'e, 'eeta':

Proverbios 1:10

Na 'etaxaloxoicpi da huotaique da 'am ỹatenachet, qalaq saishet qome da 'auca'ategue, 'am ỹalcolec.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

2 Timoteo 1:5

Qataq naxa da tachigui iuel dam 'arpi'iỹaxac maye huesota. De'era huesota npi'iỹaxac maye hua'auteguet aso 'arcote Loida qataq aso 'arate'e Eunice. Qaq nagui saỹateeta da nataqa'en 'am hueto'ot de'era npi'iỹaxac.

Proverbios 7:1

'Am ỹalcolec, ỹataqta 'aualaxagueta qome naua ỹa'aqtaqa, qataq ỹataqta 'antoueeta'aque naua ỹamaxasoxonaxaco,

Proverbios 3:1

'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Proverbios 1:15

Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

Mateo 9:22

Qalaxaye So Jesús namatapec, nache ila'a asa'aso 'alo. Nache 'enapega, 'eeta': «Saishet da leetapigui ye 'arhuel, cha'aye dam 'arpi'iỹaxac Ñim Lo'onatac 'Enauacna nachera dam huo'omshe 'am no'oita.» Huaña, nache asomaye ỹataqta no'oita.

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Proverbios 5:13

¡Qataq da sa ña'axaỹaxana so ñapaxaguenaxala'pi, qataq saishet da selo'oguet som aỹem huaqattegapi,

Proverbios 23:22

Ỹataqta 'aualaxaguet ca 'arta'a maye 'am lo'onatac, qataq saishet da 'auo'otan aca 'arate'e qom mashe ỹa'axaina'.

Jeremías 35:8

Nache qomi' salaxasoxolec 'enauac nam qomi' ỹamaxaleguete som sachegoxosoxoguet Jonadab, nache qomi' qataq ana qarhuapi qataq na qochalaqpi saishet da ñeỹomaxagui na lataxa,

Rut 3:6

Nache aso Rut jec, tauga so nchegoxosoxonqa', nache ỹo'ot 'enauac nam ỹamaxalec aso lachoro.