Proverbios 1:7 - La'aqtaqa Ñim Lo'onatac 'Enauacna 2013

⁷ Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Proverbios 1:7 Referans Kwoze

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Salmos 111:10

Da naỹaanec chegoqchigui da huo'o naq 'enec qanqa'en Ñim Nataxala', qaq ca ỹo'o't damaye qalaq no'oñi naua laỹaanataxanaxaco. Qaq nache 'eetai' qome da qaỹo'oxoreetac Ñim Lo'onatac 'Enauacna.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Proverbios 9:10

Da naỹaanec chegoqchiguiña da huo'o naq 'enec qanqa'en Ñim Nataxala', da qaỹauatton Ñim Qui'itta nachera da ỹo'ot da qaỹachiguiñi da naỹaanataxanaxac.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

Proverbios 18:2

Ca qaica ca ỹaỹaanapec qaica ca lyaxa da huo'o ca ỹaỹaten, nacherata da ño'oxoreetapigui catai' ỹaỹatenolec.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Deuteronómio 4:6

Qaualaqaigueta qataq qaupaquiichiguilo da qauo'oche' qome ne'enaua na'aqtaqa, yaqto' ne'ena ỹotta'a't shiỹaxauapi da qami' detaxaỹalo, nache qami' ỹaanaxanaxaiqa, qataq huattonaxanaxaiqa. Qataq qom hua'aqchigui ne'ena lataxacpi, nache 'eeta': «¡Ỹataqta 'eesa ne'ena nhuo' le'ecpi da ỹaanaxanaxaicpi qataq ỹaanataxanaxaicpi!»

Proverbios 2:5

Qaq huaña qome nache 'auaỹaten da 'eetec da huo'o naq 'enec qanqa'en Ñim Nataxala', ¡qataq 'auaỹaten da 'eetec da nauattonaguec Ñim Lo'onatac 'Enauacna!

Proverbios 15:32

Ca sa ỹaconeguet da qanlaxanec, qache sa ỹauotec da nachaalataxac, qaq ca ỹaconeguet da qanlaxanec qalaq ỹaconeguet da naỹaanataxanaxac.

Proverbios 23:9

Saishet qome da 'aua'axaỹaqchetec ca 'ara'aqtac ca qaica ca ỹaỹaanapec, cha'aye camaye ishet da choche ỹe'eeta'ape naua ỹaanaxanaxaiqa 'ara'aqtaqa.