Proverbios 1:6 - La'aqtaqa Ñim Lo'onatac 'Enauacna 2013

⁶ da yaqto' qaỹaỹateete' naua la'aqtaqa ca ỹaanaxanaxaic, qataq naua lleco naua la'aqtaqa, qataq na laloqnaxanaxatpi, huo'otaq naua ỹoxottrañi, la'aqtaqa.

Proverbios 1:6 Referans Kwoze

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Marcos 4:11

Nache So Jesús ỹasateguet somayepi 'eeta': «Qami' maye qami' sa'aqtaxaatema dam saqcha'a lo'onataxanaxac Ñim Lo'onatac 'Enauacna, qalaxaye na laỹepi shiỹaxauapi da sapaxaguen qalaq sauota'a na ỹaloqnaxanaxatpi.

Hebreos 5:14

Qalaxaye nam mashe ỹauatton ca 'onaxaic qataq ca qauem qataq mashe naỹa'ac da ỹo'ottac, nache 'eeta'am ca shiỹaxaua mashe ỹe, maye ishet da chec ca nallec sa nsatta.

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

Marcos 4:34

Qaica ca la'aqtaxanaxac Somaye da huo'otaq saqca ca daloqnaxana. Qalaxaye da nda'ai'salo naxa soua lapaxaguenataqa, nache npottegueto da ỹataqta da'aqtaxaatema qataq ỹataqtegue naqa'en.

Eclesiastés 12:11

Naua la'aqtaqa nam ỹaanaxanaxaicpi qalaq 'eeta'am aca le aca na'araxanaqte, qaq da mashe ime da qalaỹona't, nache 'eeta'am aca lashe ca npe'l maye iuaxaañi cam qagueta lo'o.

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

2 Pedro 3:16

Qaq 'enauac ana lerepi, somaye ỹa'axattac de'era, na'aictaxa da huo'o nam ỹa'axattacpi da saishet da saqalaq da qaỹaỹaten. Qaq ỹoqo'oye nam shiỹaxauapi maye qaica ca ỹaỹaanapec qataq nam saishet da ỹa'amaqten So Cristo, namayepi saishet da ỹaỹaten de'era. Qaq da nshetaique da ỹa'axategue ca naigui, nache sa ỹaỹamaxañi da la'aqtaxanaxac. Nache 'eetec nataqa'en da ỹa'axat nam nanettalec ana nere maye huetalec na la'aqtacpi Ñim Lo'onatac 'Enauacna. Qaq ỹoqo'oye Ñimaye ỹauo'o qome ca nhuaxanaguec namayepi.

Proverbios 24:23

Qaq 'ena nataqa'en na la'aqtacpi na ỹaanaxanaxaicpi, 'eeta': Saỹaỹamaxañi da qalca'atagui na shiỹaxauapi da hueta'a ca huaña da qanmit na nasouaxashet.

Daniel 8:23

Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.