Proverbios 1:5 - La'aqtaqa Ñim Lo'onatac 'Enauacna 2013

⁵ Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Proverbios 1:5 Referans Kwoze

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Proverbios 9:9

'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

1 Corintios 10:15

Aỹem saỹaten da qami' ỹaanaxanaxaiqa, qaq ỹoqo'oye saỹaten da aỹem qauaỹaañiteguet.

Da na'aqtaguec so Job 34:16

Qaq da ỹoqta 'eesa da 'am ỹaanataxanaxaic, qaq aỹem 'ana'axaỹaxana nache ỹataqta 'ana'axaỹaxaachiguilo naua ỹa'aqtaqa.

Da na'aqtaguec so Job 34:10

Ỹoqo'oye qami' shiỹaxau' ỹaanataxanaxaiqa, aỹem qana'axaỹaxañiỹa qome. ¡Saishet da qaupichiitega da Ñim Lo'onatac 'Enauacna maye Qaica ca Ỹaqalanapec, ishet da ỹo'ot ca qauem huo'otaq ca sa ỹaỹamaxañi!

Da na'aqtaguec so Job 34:34

Nam shiỹaxauapi ỹaanaxanaxaicpi maye aỹem na'axaỹaxaatega, qataq cam shiỹaxaua qaica ca nqalaate', 'eeta' qome:

2 Crónicas 25:16

Qalaxaye co'ollaq ñaq detaqtac som la'aqtaxanaxanec Ñim Lo'onatac 'Enauacna, nache so nta'a 'enapega somaye, 'eeta': «¿Negue'to' ca 'am ỹanem co'ollaxa da 'am la'aqtaxanaxanec na nta'a? Ñaq 'aue'enaxaatai' taxa. ¿Qalqo' huotaique da 'am qaỹalauat?» Nache so na'aqtaxanaxanec saishet da qaltaq 'enapega, qalaxaye nacherata da 'eeta': «Aỹem saỹaten da Ñim Lo'onatac 'Enauacna 'am ilaxachigui qome, souaxat da 'auo'ot de'era, qataq saishet da 'aualaxaguet da iqataxac.»

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Deuteronómio 4:6

Qaualaqaigueta qataq qaupaquiichiguilo da qauo'oche' qome ne'enaua na'aqtaqa, yaqto' ne'ena ỹotta'a't shiỹaxauapi da qami' detaxaỹalo, nache qami' ỹaanaxanaxaiqa, qataq huattonaxanaxaiqa. Qataq qom hua'aqchigui ne'ena lataxacpi, nache 'eeta': «¡Ỹataqta 'eesa ne'ena nhuo' le'ecpi da ỹaanaxanaxaicpi qataq ỹaanataxanaxaicpi!»

Da na'aqtaguec so Job 34:2

«Qami' ỹaanaxanaxaiqa, qataq qami' paxaguenataxanaxaiqa, ñaq qana'axaỹaxañiỹalo qome naua ỹa'aqtaqa.

Proverbios 8:33

Qauloitelec qome na ỹapaxaguenataxanaxacpi yaqto' qami' ỹaanaxanaxaiqa, saishet qome da sa qauacoñeeguet da naỹaanec.

Proverbios 9:8

Saishet da 'aviraxato'ot ca nogaqaic ten qom 'am nquiỹa, 'aviraxato'ot qome ca ỹaanaxanaxaic yaqto' 'am ỹauotec.

Proverbios 18:15

Da lquiyaqteỹaxac ca ỹaanataxanaxaic ỹaconeguet da lauattonaxanaxac, qaq da la'axaỹaqchec na ỹaanaxanaxaic qalaq nmitta'ai da naỹaanec.

Proverbios 19:25

Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Proverbios 21:11

Da qaỹo'ot da nhuaxanaguec ca sa lhuanguit, nache ỹo'ot da huo'o na ỹaỹaten ca qaica ca ỹaỹaanapec, qaq da qaỹapaxaguen ca ỹaanaxanaxaic nache huo'o da lauattonaxanaxac.