Proverbios 1:26 - La'aqtaqa Ñim Lo'onatac 'Enauacna 2013

²⁶ Qaq ỹoqo'oye aỹem huo'o ca na'a'q, qaq choche qami' se'eeta'ape, qom qami' nvitalo ca sa ỹaỹamaxañi. Nache qami' se'enai'salo qom qami' ỹalaua't da qarcolanqai.

Proverbios 1:26 Referans Kwoze

Salmos 37:13

Qalaxaye Ñim Nataxala' daỹalleguettac, cha'aye ỹaỹaten da ne'ena qauemaicpi, mashe saqaỹapeque ca loga't.

Salmos 2:4

Qaq Ñim neto'ot na piguem choche lashetac qome, Ñim Nataxala' qalaq ỹe'enai' qome namayepi.

Proverbios 10:24

Cam ñe'etapeeguet ca qauemaic qaq nacheca ca naỹa'a camaye, qaq ca no'on da lataxac qalaq ipacchiguilo naua no'o'n lhuennataxaco.

Lucas 14:24

Qalaxaye saishet da iquia'axaua 'enauac nam hua'auchiguiñi da secoyeguenpi.»

Proverbios 6:15

Qaq ỹoqo'oye nque'elaxatta qome da nvita ca nlaguiñi naqa'en, 'eeta'am da choche nlouec qataq ỹamaxa't naua la'ai'te nache nlaguiñi, huaña nache qaica ca ishet da ỹaỹamaxaañi.

Jueces 10:14

¡Qaq ỹoqo'oye qanqo'oñiỹa yi'iye atamnaxala'pi maye qarca'aguishiqui nache qauỹaxañiỹot, yaqto' qami' itaua'n nache qami' isoueeguesopa da qanque'eenaxaqui!»

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Salmos 59:8

Qalaxaye 'Am Nataxala', choche 'alashetac namayepi, 'am 'aue'enai' 'enauac na ỹotta'a't shiỹaxauapi.

Proverbios 3:34

Ñim Nataxala' ỹataqta ỹe'enai' na 'enaxanaxaicpi, qalaxaye ỹanem da nqouagaxa ca qaica la'amaqchec.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.

Proverbios 19:29

Mashe sogote da qaiqataxaatai' da nhuaxanaguec na sancherapecpi, qataq na nhuaxanaxanaxat da yaqto' qaiuaxaalec na l-laq ca qaica ca ỹaỹaanapec.