Proverbios 1:24 - La'aqtaqa Ñim Lo'onatac 'Enauacna 2013

²⁴ Aỹem qami' seỹaxaategalo naxa, qataq qami' sheetegalo da aỹem qauanaiua'a, qalaxaye qami' saishet da aỹem qaualaqaiguet.

Proverbios 1:24 Referans Kwoze

Romanos 10:21

Qataq co'ollaq detaxaỹa na Israel le'ecpi Ñim Lo'onatac 'Enauacna ỹachegoxotchigui so la'aqtaxanaxanec Isaías, qalaq 'eeta': «Ỹataqta ima ye na'a'q da sachaxaatacot da itaunaxanaxac nam shiỹaxauapi maye qaramchigui qataq sa ỹalaq.»

Isaías 65:12

qalaxaye Aỹem Nataxala', so'ot qome da qami' qairoleguete ca ỹeelonec da qami' qaỹalaua't. Cha'aye Aỹem qami' seỹaxaategalo co'ollaxa qalaxaye qami' saqauasache, qami' setaqtacoto co'ollaxa qalaxaye Aỹem saqana'axaỹaxañiỹa, nacherata da sauaachigui qanqa'eñi nam qauem maye qauo'ocheetac, qataq qalca'aiua'a da qauo'oche nam sasaỹamaxaren.»

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.

Isaías 66:4

Qaq Aỹem nataqa'en lleca'aua'a qome da so'ot ca nque'eenaxac namayepi, nache ñamaxa qome namayepi cam ỹataqta lcolanaxat. Cha'aye co'ollaq seỹaxan qalaq qaica ca Aỹem ỹasateguet qataq co'ollaq setaqa qalaq qaica ca Aỹem ỹalaxaguet, nacherata da sauaachigui naqa'en da ỹo'ot nam qauempi qataq lca'aua'a da ỹo'ot nam ỹataqta sasaỹamaxaren.»

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Salmos 31:20

Qaq de'era saqcha'a 'arataxac nachera da ishet da ỹoxooñi namayepi, qataq 'anca'alaxateeguesop na qauem 'eetapeeguesat na shiỹaxauapi, cha'aye ỹataqta 'ampaxattalec namayepi, souaxat da lsheunaxanaxac ne'ena mpa'aguenaxauapi.

Hechos 4:30

Qataq qomi' 'aỹa'anema cam 'ara'añaxac, da yaqto' qomi' ñatarenaq na sa no'onpi, qataq da so'otaq na na'anecpi qataq na sa qaỹauanapigui qataq ỹo'oxoraq, da so'onataxanaxa da le'enaxat som qui'itta 'aỹa'alec Jesús.

1 Samuel 28:6

Ỹoqo'oye so Saúl inat co'ollaxa Ñim Nataxala', qalaxaye Ñimaye saishet da ỹasateguet da ỹachegoxotchigui ca lchoxonaxac, huo'otaq so coma' maye le'enaxat urim, huo'otaq so na'aqtaxanaxanecpi.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Isaías 65:2

Imauec ye na'a'q da saatraue'c naua ihuaxaye, da yaqto' ñaueguela't nam nhuo' le'ecpi maye saỹalaq maye quetegueto naua qauema nqa'aico, qataq quetegueto naua maiche lhuennataxaco,

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

2 Crónicas 33:10

Qaq Ñim Nataxala' detaxaỹot co'ollaxa so Manasés qataq so lauo' le'ecpi, qalaxaye somayepi saishet co'ollaxa da ỹalaxaguet Ñimaye.

Da na'aqtaguec so Job 33:14

Ñim Lo'onatac 'Enauacna saishet da 'oonolec naqa'en ca llec ca la'aqtac da qomi' detaxaỹoto, qalaxaye qomi' ye sa ñanomaxa naxa de'era 'eetec Ñimaye.