Proverbios 1:23 - La'aqtaqa Ñim Lo'onatac 'Enauacna 2013

²³ Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Proverbios 1:23 Referans Kwoze

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Isaías 32:15

Qalaxaye dam saqcha'a la'añaxac Ñim Nataxala' qaltaq qomi' ñe'eguelaxalo qome nache na toolec 'alhua ỹe'eguelaxa qome da ishet da qoỹanaxaalec, qataq nam no'on 'alhua ñaxaalec qome ana qalota qo'oipaqpi.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Isaías 45:8

Aỹem chegoqtot qome ñaqa'en na pa'asheguem da ñamaq da ỹauegaxanaxac, 'eeta'am na 'aỹa maye chegoqo'ot na piguem, qataq na auot maye chegaqaigui na lo'oc na piguem, da talec ana 'alhua; qaq dam alaỹaxac qalaq chegoqchigui qome da nca'alaxa, qataq dam nalochiguiñi lataxac.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Proverbios 10:17

Ca ilotelec ca napaxaguenataxanaxac, camaye quetegue da no'on llec da achaalataxac, qaq ca saỹaconeguet damaye qalaq taỹa'a da deqat.

Salmos 145:1

Aỹem huo'o ñaqa'en da 'ara'amaqchec, 'Am Ñatamnaxala' maye 'am Nta'a, chochaq tatec qome da sho'oxoreetac da 'are'enaxat.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

Proverbios 1:30

Qataq saishet da qauacoñeeguet na iqataxacpi, qataq qauo'otañi' naua iviraqtaxanaxaco.

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Joel 2:27

Huaña qome, nache qauaỹachiñiita da qami' salectaiguilo qami' Israel le'ecpi, qataq da nachaỹemta Aỹem Nataxala' maye Qanatamnaxala'ai, nache qaica ca lỹa. Huaña qome nache saishet da qaltaq huo'o ca na'aloxootaique ne'ena ỹalamaxat nhuo' le'ecpi.

Joel 3:1

Qaq que'ecaua na'axa'te qom ivita ca laloqo' da ñe'eguelaxat nam noxonecpi Judá le'ecpi qataq nam Jerusalén le'ecpi,