Proverbios 1:19 - La'aqtaqa Ñim Lo'onatac 'Enauacna 2013

¹⁹ Qaq 'era da 'eetec ye loga't na qopitaxanaqtaqaicpi: Da maiche lqopitaxanaqtaic, namayepi nachera da ỹalauat.

Proverbios 1:19 Referans Kwoze

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Eclesiastés 5:13

Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

1 Timoteo 3:3

Qataq saishet da taxaic, qataq saishet da sa ncherapec qataq saishet da nmitta'a da cotaxac. Nachaqrata da iuen da soxoraic qataq saishet da sa lhuanguit qataq saishet da quetaigui da latenataxanaxac da nmitta'a ana anom.

Da na'aqtaguec so Job 31:39

Qataq da huo'o ca secachiỹa ca lañiguishec ala da sa sesheeten, huo'otaq da huo'o ca sachoxoren, na lalamaxat ne'ena nañiguishecpi,

Proverbios 1:20

Naua nqa'aico qataq naua naponaqa'ate, nache huañalo da qaỹa'axaỹa de'era naỹaanec.

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Salmos 7:16

Qaq nam qauem maye ỹo'ottac maiche talec qome namayepi, qataq maiche que'emaxam qome da l-loquiaxac.

Proverbios 29:24

Ca huaqtapeeguet ca cachaxaic camaye maiche na'aqchettapeguela't, cha'aye na'aictaxa da hua'aqtega da nsheunaguec qalaxaye sa da'aqtaxan.