Proverbios 1:18 - La'aqtaqa Ñim Lo'onatac 'Enauacna 2013

¹⁸ qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

Proverbios 1:18 Referans Kwoze

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Proverbios 1:11

Da huo'otaq 'am 'enapega 'eeta': «'Aỹala, qomi' 'auca'ateguelo, cha'aye sauoqtaique da sauoqo'o ca secachaqot, qataq salauataq ca qaica ca ỹauotaique.

Proverbios 1:17

Cha'aye qaica ca naigui da qalapaxañi aca nqoina, da mashe ilota'a ca qoỹopi,

Proverbios 11:19

Ỹoqo'oye da qanayectegue da ỹaỹamaqchiguiñi lataxac qalaq huo'o da nca'alaxa, qaq da qanayectague' da qauem qalaq taỹa'a da nleuaxa.

Proverbios 11:5

Da ỹaỹamaqchiguiñi lataxac ỹaỹamaxaañi da llecỹaxac ca no'on da lataxac, qaq ca qauemaic qalaq maiche cañe' na qauem maye ỹo'ottac.