Proverbios 1:15 - La'aqtaqa Ñim Lo'onatac 'Enauacna 2013

¹⁵ Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,

Proverbios 1:15 Referans Kwoze

Salmos 119:101

Qataq ca'aisalo ñaqa'en naua ỹapia'ate 'enauac na qauem nqa'aicpi, da yaqto' sepacchiguilo naua 'ara'aqtaqa.

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

Proverbios 4:27

Saishet da 'axanec so 'anqa'aic, qataq 'avita'a da qoquegue ca qauem.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Proverbios 5:8

Qaỹoqta qome 'anqa'en aca ỹaqa'a 'alo, qataq saishet da saqaỹapeque 'anqa'en ca lasom ca lma',

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Proverbios 9:6

Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

Proverbios 1:14

'Auanac qome, qomi' 'aualegoiguilo, yaqto' 'am ñeuanaqta'ai' da ñecolaxataqchigui aca qorom.»

Proverbios 24:1

Saishet qome da 'auqopitta'a na qauemaicpi, qataq saishet da 'auyaqta'a da 'aualectaigui namayepi,

Proverbios 3:31

Saishet qome da 'aupa'agueetac ca sancherapec, qataq saishet da 'aue'enaxat da lataxac,

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,