Proverbios 1:10 - La'aqtaqa Ñim Lo'onatac 'Enauacna 2013

¹⁰ Na 'etaxaloxoicpi da huotaique da 'am ỹatenachet, qalaq saishet qome da 'auca'ategue, 'am ỹalcolec.

Proverbios 1:10 Referans Kwoze

Efesios 5:11

Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

Proverbios 16:29

Ca sancherapec ỹatenachet ca lỹa, qataq ỹashaxaneuga ca nqa'aic qauem.

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Deuteronómio 13:8

nache saishet qome da qaualaqaiguet, qataq saishet da qana'axañiỹa. Saishet da qauchoxoreñiitac, huo'otaq da qo'oxocheettapiguiñi,

Salmos 50:18

Cha'aye da 'aula'a ca cachaxaic nache 'annaicapegue', qataq 'aralegaxaua na ncachetague' aca sa lhua.

Proverbios 20:19

Ca na'aqtaqa lo'o' sa ỹaỹaten da ỹoxooñi ca qoỹoxottapiguiñi, qaq ỹoqo'oye saishet qome da 'aualectapeeguet que'eca na'aqtaqa lo'o'.

Génesis 37:20

Ña qauanaqui, salauataq namaye. Ime qome nache sasaxasoxongui aca 'oonole anam nsherepi, nache sa'axataq qome da huo'o so shiguiỹacpi chec somaye. ¡Yaqto' huaña, qaq saỹaanaq ca 'eetec so lchoxonaxacpi!»

Proverbios 24:2

cha'aye namayepi nda'a't da iuennatapega da ỹo'ot ca loquiaxac, qataq da detaqtac qalaq nda'a't na qauem.

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,