Naua la'aqtaqa so Salomón, 'eeta': Ca ñalec ỹaanaxanaxaic, machiguiñi naqa'en ca lta'a, qaq ca ñalec qaica ca ỹaỹaana'a qalaq ỹo'ot da nque'eenaxac aca late'e.
Qalaxaye huo'o qome ca 'aỹa'alec maye nlaqchigui da nlagaxayec, qaq na npa'aguenaxauapi maye lauoreuapi, so'otec qome da nhuoteete' camaye, qaq ỹoqo'oye camaye le'enaxat qome Salomón.
Qaq nagui, nam qalota ỹalaqpi maye aỹem ỹanem co'ollaxa Ñim Nataxala', nache ỹachegoxottoigui da lca'aua'a so ỹalec Salomón, da yaqto' nso'ongui añi so'onaxaqui da ỹo'ot da lo'onataxanaxac Ñim Nataxala' da ilo'ogue na Israel le'ecpi.
Qaq co'ollaq mashe ỹaguec na laỹaanec so 'aqtaxanaxaic, nache nquictec nam naỹaanec maye ỹapaxaguenec nam shiỹaxauapi. Qaq nataqa'en nañaneguet da ỹacoolec da napaxaguena nam qalota ntaxaỹaxacpi, qataq da ỹaỹamaxatchiguiñi da iỹottecache.
Qaq 'era da 'eetec Ñim Nataxala' da ipacchigui so la'aqtac maye ỹachaxanapeguem co'ollaxa so Salomón, da ỹanem da laỹaanec. Nache so Jirán qataq so Salomón, ỹo'o't co'ollaxa da naỹamaxataxa'c, nache ỹataqta huo'o da l-lagaxaye'c soomaye.
Qaq 'era da 'eetec so Salomón, da nso'ongui aso so'onaxaqui maye lalamaqte Ñim Nataxala', nache nmeneguet so David, maye lta'a somaye, nache nquictasheguem da lo'onataxanaxac somaye. Qataq som Israel le'ecpi ỹataqta ỹalaxaguet somaye.