Oseas 9:8 - La'aqtaqa Ñim Lo'onatac 'Enauacna 2013

⁸ Qaq Ñim Nataxala', ỹanem so la'aqtaxanaxanec da yaqto' nauaatalec na Efraín, qalaxaye so llec qaỹa'añiỹangui ana qoinapi, qataq ivira'a da qanquiỹai da huetaigui añi atamnaxaqui maye lalamaqte Ñim Lo'onatac 'Enauacna.

Toba del Oeste

⁸ Dios jayem namaĝaquena ca'li, da'me jayem jo'ne 'laqatanaĝanaĝanec joñe'me, qaedi ami jevite'talo, ami Efraín lec'oqo'tepi. Qalaĝaja da'me ami yataqachiñe ja jayem 'te aualemaĝachi, chayovida'a nale ovitaue jena'me netamenaĝaiqui joñe'me Dios yataqachiñe jayem adiquiyayi'ya.

Oseas 9:8 Referans Kwoze

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Miqueas 7:4

Qaq nam qoỹeetega no'on da lataxac maye ỹalectaigui namayepi, qalaq 'eeta'am anam qo'oipaq maye huo'o ana le, qataq nam qoỹeetega huesota da lataxac qalaq 'eeta'am aca zarza. Qalaxaye mashe anacta cam na'a'q maye huaigui da nhuaxanaguec, cam na'a'q maye ỹa'axatta'a co'ollaxa so lauanaxanaxanecpi namayepi. Huaña qome nache namayepi saỹaỹaten ca 'eetec.

Isaías 62:6

'Am Jerusalén, na 'arpaqtaxanaxatpi sanalec na 'arauanaxanaxanecpi, maye ye na'a'q qataq ye pe saishet da vi'iiguet da 'eeta': «Qami' maye qauỹaxañiitacot Ñim Nataxala', saishet qome da qavi'imqaita,

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Ezequiel 33:7

Qaq 'am shiỹaxaua, Aỹem 'am sanagui co'ollaxa da 'am lauanaxanaxanec na nhuo' Israel le'ecpi. Qaq 'am iuen da 'auaconegueta naua ỹa'aqtaxanaxaco, ime nache 'aua'axa't naua ivitaqtaxanaxaco.

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Lamentaciones 2:14

Naua lauanaqcheco maye 'am ỹa'axatema co'ollaxa som 'ara'aqtaxanaxanecpi, naamaye ỹataqta 'am ỹatenache't. Cha'aye saishet da 'am ỹachaxanalo naua 'arasouaxashe'ete, da yaqto' 'am 'avita'aguet da 'am qaỹauega ca ỹaqaqa'a 'alhua, nacherata da ỹo'ot da 'aua'amaqte'n naua lauanaqcheco maye saq'e'n.

Jeremías 31:6

Cha'aye anacta ca na'a'q da, na nauanaxanaqpi ỹa'alaq qome da hueta'a ana lcomaraxalatepi ye Efraín, 'eeta': «Ñaq qauanaqui qami', ñeqo'onaxa ye Sión, ñeqo'onaxa Ñim Nataxala' maye Qanatamnaxala'.»

Jeremías 14:13

Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Jeremías 6:17

Ñim Nataxala' ỹauo'o co'ollaxa so lauanaxanaxanecpi, nache 'enapega nam nhuo' le'ecpi, 'eeta': «Qana'axaỹaxañiỹa ca la'anaxat ca lchec.» Qalaxaye na nhuo' le'ecpi, 'eeta': «Saishet, saishet da salaxasoxoguet.»

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.

Cantares 3:3

Qalaxaye aỹem ilalec so nauaatalec na huaqta'a't nỹecpi, nache senattac, sheeta': «¿Meca da qauloỹa'ague cam lauotaxat da ñachaalataxac?»

2 Reyes 13:21

Qaq huo'o co'ollaxa so huaña da so Israel le'ecpi, ilattapiguiñi so shiỹaxaua maye ileu, nache nque'elaxatta co'ollaxa da nvi' se'eso shiỹaxauapi maye na'attagui so lo'ogoxonaxat, nache se'eso leuaxaic qaỹasaxaigui co'ollaxa aso nhuachiqui so Eliseo. Qaq somaye co'ollaq choche nhuoqtegueta soua lpi'ineqa so Eliseo, nache se'eso leuaxai nca'alec.

2 Reyes 7:19

Qataq so ltaua so nta'a co'ollaq ỹasateguet som la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Qaq so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

2 Reyes 5:27

Qaq ỹoqo'oye so lepra maye huetalec co'ollaxa na lo'oc so Namán, 'am talec qome, qataq cam 'am chegoxoguetpi chochaq tatec qome da hueta'ac. Nache so Guejazí, co'ollaq choche ca'ai so Eliseo, nache hualec na lo'oc so lepra, nache ỹataqta ỹapagaq, 'eeta'am ana aloñi.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

2 Reyes 4:43

Qaq so lamaxashec somaye 'enapeco': ¿Ca 'eeteco' da sanoigui anamaye ne'ena cien shiỹaxauapi? Nache so Eliseo, 'enapeco': Qomye 'aỹa'anoigui ne'ena shiỹaxauapi da yaqto' chec anamaye, cha'aye Ñim Nataxala' 'eetega da qanallec anamaye, nache huo'o qome ca ñi'iỹoxot.

2 Reyes 4:41

Nache so Eliseo 'enapeco': «Ña qandoiuo qome catai' 'ayiiñolec.» Nache co'ollaq ime da ỹasaxangui somaye aso taxaqui, nache 'enapeco': Nagui nache 'aỹa'anoigui na shiỹaxauapi da chec namaye. Nache se'eso shiỹaxauapi chec se'eso nhuoshec, nache saishet da na'axat.

2 Reyes 2:21

nache so Eliseo, tauga co'ollaxa so npaxaatasheguem 'etaxat, nache icoyingui somaye so toue, nache 'eeta': Ñim Nataxala', 'eeta': «Aỹem ñataren ne'ena 'etaxat, nache saishet qome da qaltaq chegaqaigui ca nleuaxa, qataq da saq ñaxat ca nañiguishec ne'ena 'alhua.»

2 Reyes 2:14

Ime, nache do'ogoxona som lapo' so Elías, da iuaxaangui so 'etaxat, nache na'axannec da la'aqtac, 'eeta': «¿Hueta'ague cam Nataxala', maye Natamnaxala' so Elías?» Qalaxaye co'ollaq choche iuaxangui so 'etaxat, nache colaxara'ache, nache so Eliseo, qaltaq ỹe'eguelaxatague da le'ego so tala.

1 Reyes 22:28

Nache so Micaía qaltaq 'enapeco': «Qom qaica cara, da 'anachaalataxac qom 'añe'eguelaq, qache saishet da nacheñi Ñim Nataxala', da aỹem ỹa'aqtaxanaxan.» Nataqa'en 'eeta': 'Enauac qami', qaua'aqaichigui de'era nagui.

1 Reyes 22:22

Nache somaye 'enapec: Qomye ñeqo'ona da so'onataxana na la'aqtaxanaxanecpi ñi nta'a, da ỹa'axat ñaqa'en da natenataxanaxac. Nache Ñim Nataxala' 'enapego' somaye, 'eeta': 'Aue, 'anqo'ona, nache 'auo'ot damaye, cha'aye 'auañoxot qome.

Romanos 3:7

Qalaxaye de'era ỹatenataxanaxac da huo'otaq ichoxot da nquictec da llo'oxoyec de'era 'eesa lataxac maye chegoqo'ot Ñim Lo'onatac 'Enauacna, nache ¿ta'ainco' qone' da aỹem qanmit da sheeta'am qanqa'en ca huo'o ca lasouaxashet?

1 Reyes 22:11

Nache so Sedequías, maye llalec so Quenaná, ỹo'o't co'ollaxa soua le'enaqtaqa huaca lcoue ỹachegoxotaigui so lcat, nache ỹa'alaqtai', 'eeta': «Da la'aqtac Ñim Nataxala', 'eeta': ‹Ne'enaua huaca lcoue, nachenaua naua 'auo'ogoxonalo qome da 'auloquiaxan ye siiriopi, nache ivitta'a da ỹataqta nmichiguiñi 'anqa'en.›»

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

1 Reyes 18:19

Qaq ỹoqo'oye nagui, 'auauo'o qome ca 'auamaq da laỹona't 'enauac na Israel le'ecpi, nache taỹa qome añi qasoxonaxa Carmelo, qataq ca cuatrocientos cincuenta la'aqtaxanaxanecpi ca Baal qataq ca cuatrocientos la'aqtaxanaxanecpi aca Aserá, maye lquia'axaua naxa aca Jezabel.

1 Reyes 18:1

Qaq so mashe qaỹoqteguelo soua na'axa'te, co'ollaq mashe inoxoorec soua tres vi'iye, nache Ñim Nataxala' 'enapega so Elías, 'eeta': «'Aue qojec, nache 'anqo'oneua'a ca Ajab, cha'aye Aỹem, ñamaq qome ca auot da talec ñaqa'en ana 'alhua.»

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Salmos 124:7

Da qanachaalataxac 'eeta'am aca qoỹo' da ỹe't aca lqoina ca 'ipiaxaic, aso nqoina dolagui nache qomi' qoỹe't.

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Jeremías 23:13

«Aỹem sauaachigui na na'aqtaxanaxanecpi ye Samaria da ỹo'ottac nam ỹataqta aỹem inogoqchet, namayepi ỹa'axatteguec da le'enaxat ñi Baal, qataq ỹo'ot da nam ỹalamaxat nhuo' Israel le'ecpi isomapec.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»