Oseas 9:6 - La'aqtaqa Ñim Lo'onatac 'Enauacna 2013

⁶ Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

Toba del Oeste

⁶ Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

Oseas 9:6 Referans Kwoze

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Oseas 9:3

Qaq nache saishet qome da nache qoñeetalec na 'alhua maye lalamaxat Ñim Nataxala', nacherata da na Efraín, ỹe'eguelaxa qome ye Egipto, qataq ye Asiria yem huaña qome da chectac na nallec maye sa qaỹashenem namayepi da chec.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 7:16

Namayepi ỹe'eguelaxa na saq 'en atamnaxala'pi, nache 'eeta'am ca checnec da namaxagui. Qaq nam lataxala'pi qairolec ca ỹeelonec da qaỹalauat, souaxat da na'amaqte'n naua la'aqtaqa, nache huaña ye Egipto da qane'eetapigui qome namayepi.

Isaías 7:23

Qaq que'eca na'a'q, nache nam nanaxanaqa'pi uva lma'pi maye ñaxattalec ana mil nañiguishepi maye ivi' co'ollaxa ana mil anom plata añi lasheue, qalaq nda'a't da ñaxattalec qome aca ỹaxat qataq aca huoue.

Oseas 11:11

Qaq 'eeta'am ca qoỹo da iviloxol qom anac chegaqa'a ye Egipto, qataq 'eeta'am ca qoto' qom anac chegaqa'a ye Asiria, nache Aỹem, sanaiguilo qome naua lma'ate namayepi. Qaq 'era da ỹa'aqtac Aỹem Nataxala'.

Oseas 7:13

¡Qaq ỹataqta qauem qome ca taỹa'a yemayepi souaxat da aỹem ca'ai! Qataq taỹa'a da nlaguiñi qome, souaxat da aỹem dataỹa'aguet. Aỹem, sauotaique da ñeca'alaxatec yemayepi, qalaxaye yemayepi ỹo'ot na latenataxanaxacpi da Aỹem dataỹa'aguet.

Isaías 34:13

Qataq na lma' lta'araicpi ñaxaalec qome ana ỹaxat, qaq na lpaqtaxanaxatpi qalaq ñaxaalec ana poqo qataq ana cotaque. Qataq nache lma' qome yemaye ana huaxaỹaxapi, qataq lle'eguenaqa' qome yemaye na mañecpi.

Isaías 32:13

Cha'aye ne'ena na'alhua nam ihuo' le'ecpi ñaxaalec qome ana ỹaxat qataq na huouesat, qataq 'enauac na nma'pi maye hueta'a naxa da namaicỹaxac, yem huaqta'a't nỹecpi maye lqopitaxat da na'ashaxac.

Isaías 27:12

Qaq que'eca na'a'q Ñim Nataxala' do'onataxan qome, chegoqchiguiña ye tala Éufrates nache ivitta'a so tala ye Egipto, 'eeta'am ca ichegoqtac ana ala ca nañiguishec, qalaxaye qami' Israel le'ecpi qami' qalaỹona't qome, qalaq qaỹacootaua'a ñi 'oonolec da qoñiita.

Isaías 19:13

Na nataxala'pi ye Soán ỹataqta qaica ca ỹaỹaanapec, nam nataxala'pi ye Menfis qalaq hua'aqta'a da qaỹatenachet, qataq nam nataxala'pi naua lỹa't 'aleu' yi'iye 'alhua, qalaq ỹo'ot da npe'en da llecỹaxac ye Egipto.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Proverbios 24:31

nache sela'a da ndotec ana ỹaxat nlaqtelec, qataq ivira'a na lapoxonaxat coma' hua'axauec.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

2 Reyes 13:7

Qaq so Joacaz, nachesota so cincuenta nalleppi maye netalec naxa na caaỹo da no'onañi, qataq aso diez naigonapi maye nalaataxaquipi, qataq so diez mil nalleppi maye petañepi, cha'aye so nta'a ye Siria, nmatchiguiñi so laỹepi nalleppi somaye, qataq ỹataqta dolachigui naqa'en.

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.

Jeremías 2:16

Qaq na shiỹaxauapi ye Menfis qataq ye Tafnes ilaxachigui na 'arqaic.

Jeremías 42:22

Qaq ỹoqo'oye no'on da qauaỹaañita, da chegoqchigui qome ca alaataxac, nqouaxa qataq ca napiina, da qaullivi qom huaña yem 'alhua maye huotaique da qanqo'oñiỹa da qoñiỹalec.»

Jeremías 44:1

Da la'aqtac Ñim Nataxala' maye nvita so Jeremías da yaqto' ỹanem 'enauac so judiopi maye hueta'a ye Egipto, som hueta'a ye huaqta'a't nỹecpi ye Migdol, Tafnes, Menfis qataq yem 'alhua maye pa'aigue da la'añaxa, 'eeta':

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!

Jeremías 46:19

Qami' Egipto le'ecpi ñaq qanaỹamaxache, cha'aye qami' qaỹaue'c qome, cha'aye na Menfis ỹe'eguelaxa da toolec qome qataq nlachiguiñi nache qaica ca ishet da nalec qome.

Ezequiel 30:13

Aỹem Nataxala', shenapec: Aỹem selaxachigui qome na nqolacpi, qataq sha'axaneguet na saq'en atamnaxala'pi ye Menfis. Qaq ye Egipto saishet qome da ỹe'eguelaxa da huo'o ca nta'a da ilo'ogue, nache nlaqaalec ñaqa'en yi'iye 'alhua da ncolanaxa.

Ezequiel 30:16

Qataq savigaxat qome ye Egipto, qaq ye Sin qalaq nque'etaxangui qome da nqui'ic, qataq qaỹauo'o qome na lauacpi na lpaqtaxanaxatpi ye Tebas, qaq ye Menfis qalaq qailoquiaxan qome, huaigui ca na'a'q.

Oseas 2:6

Qaq ỹoqo'oye sapogui qome nam llecpi sauota'a ana ỹaxat, qataq sauo'o ca npaqtaxanaxat da sapoua'a, yaqto' saishet da ỹanata nam llecpi.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Sofonías 1:11

¡Qaua'alaqai qome, qami' maye qarmaye na nỹecpi maye le'enaxat Na'araxanaxaqui, cha'aye ileu qome 'enauac na nmenaxaicpi qataq 'enauac nam ỹoxottañi, da nmenaxac ana anom plata, namayepi taỹa'a da qailaxachigui!

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Jeremías 44:12

Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.

Jeremías 44:13

Sauo'o qome ca nhuaxanaguec na hueta'a ye Egipto, 'eeta'am ñaqa'en da nhuaxanaguec co'ollaxa ye Jerusalén da serolec so alaataxac, nqouaxa qataq napiina.