Oseas 9:4 - La'aqtaqa Ñim Lo'onatac 'Enauacna 2013

⁴ Huaña nache qaica ca lataxa da ỹanot Ñim Nataxala', qataq ana lachetaqtaxanaqtepi saishet da ỹaỹamaxaren Ñimaye. Qaq aca nauole maye chectac, qalaq 'eeta'am aca nauole da huo'o da nasouaxac, qaq cam chec acamaye nache saishet da qui'itta. Qaq namayepi ishet qome da chec aca'aca nauole, qalaxaye saishet qome da iroua'a añi atamnaxaqui maye lalamaqte Ñim Nataxala'.

Toba del Oeste

⁴ Male ja auaqanachichi ta'le auauoyi ga'me adajaqajequi jo'ne uva li'i, uotaĝa ta'le auañem ga'me adajaqajequi jo'ne qoyegoue nale. Joga'me pan lae jo'ne aualiqui qomle ena'am da'me lamaic joga'me pan nale yemta 'uo joga'me yeleu, qama'le ga'me yalic dojo' pan male taue joga'me ja no'en. Qa'a dojo' pan nach'edata da'me qoyalic qomle: qaya qomle ga'me lae jo'ne qoyen najaqajec qaedi qoyanem joñe'me Jaliaĝanec.

Oseas 9:4 Referans Kwoze

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Jeremías 6:20

¿Ta'ainco' da aỹem qandoiua'a nam nchenaxanaxat maye qauachegoxochiỹa'a ye Sabá, qataq ana nañiguishe maye ama na laita maye qauachegoxochiỹa'a cam qaỹoqta 'alhua? Aỹem saishet sa saỹamaxarem nam qarachetaqtaxanaxache maye qauavigaxacheeta qataq na laỹepi.»

Deuteronómio 26:14

Qataq saishet da huo'otaq 'oonole aca sacona da sachec ana mashe seỹotaugapi, na'aictaxa co'ollaxa da sootapoigui da ỹasouaxac, qataq co'ollaq saishet da aỹem qui'itta, huo'otaq da sanem na leuaxaicpi. 'Am Ỹataxala', maye 'Am Ñatamnaxala', aỹem ỹataqta salaxaguet qataq sepacchigui da so'ot 'enauac nam aỹem 'auamaxalecpi.

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Ezequiel 24:17

Choche 'añe'emaxatte' qome da 'anqui'ic, qataq saishet da 'auachaxan da 'arasouaxac souaxat asomaye. Qataq saishet qome da 'auauattalec na 'arqaic, qataq da qaicaua caua 'arapela'ate, qataq saishet da 'auapotagui na 'arashec da la'anaxat 'anqa'en da 'anqui'ic, qataq saishet da qollec aca nauole maye qanallec naxa da huo'o da nasouaxac.»

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Malaquías 2:13

Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche.

Amós 5:22

Qaq na'aictaxa da aỹem qaỹa'añiỹot ana qarachetaqtaxanaqche qaỹavigaxatta, huo'otaq ana qarachetaqtaxanaqche ala na nañiguishec da yaqto' aỹem qavio'oxoreñi qalaq saishet da saconeguet qome, qataq saishet da seqocha'a ca qaỹa'añeeuo qarachetaqtaxanaxache qanhuaachigui, maye chegaqaigui nam chaxaraicpi qareloi huaca llalaqpi.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Ezequiel 24:22

Qataq qonapega qome, qoneta': Qami' nataqa'en qauo'oche qome dam so'ottac: saishet qome da qauapoigui na qarashequi, da la'anaxat da qanqui'iqui, qataq saishet da qollequi aca nauole maye qanallec da huo'o da nasouaxac.

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Isaías 57:6

'Am Israel, 'am 'anqopita da 'aỹa'anot da 'ayo'oxonnataxanaxac na salleeta coma' maye chegaqangui so la'auaxac, qaq nacheye yemaye da 'aỹa'a da 'arma' qome. Qaq nachena namayepi da 'aucorelec na 'arachetaqtaxanaxat lataxa qataq 'aỹa'anem ana ala na 'añiguishec. Qaq ¿peta'a 'aupi'itaxaatega da samachiguiñi da ime 'enauac de'era?

Números 28:2

«'Auamaxalec qome na Israel le'ecpi da ipacchigui naqa'en naua laloxoqui' da ỹaneuo aca lachetaqtaxanaqtepi maye ỹavigaxat, cha'aye aca'aca lachetaqtaxanaqtepi maye samaateguet da laitaỹaxac, acamaye maiche ỹalamaqte.

Levítico 21:21

Qaq ỹoqo'oye ca huo'o ca lque'emaxa cam chegoxoguetpi ñi Aarón, nache saishet da nachaateua'a Ñim Nataxala'. Qataq saishet qome da ỹaneuo ca nallec nachetaqtaxanaxat maye qaỹavigaxat, da qoỹanot Ñim Lo'onatac 'Enauacna.

Levítico 21:17

«Qonapega qome ñi Aarón, da saishet qome da huo'o cam 'oonolec cam chegoxoguetpi, da huo'o ca lque'emaxa da ỹaneuo ca nachetaqtaxanaxat nallec da ỹanot Ñim Nataxala'.

Levítico 21:8

Ỹoqo'oye namayepi ỹataqta ntela'aguet na ishet da ishepaxanaqchet, cha'aye namayepi nachena na ỹaneuo ca nallecpi maye qoỹanot Ñim Atamnaxala'. Qaq ỹoqo'oye namayepi iuen da qui'itta da lataxac, cha'aye Aỹem Nataxala', qui'itta da ỹataxac, qataq qami' so'oteque da qami' qui'itte' da qarataxaqui.

Levítico 21:6

Nacherata da ỹataqta nañan da do'onataxanot Ñim Natamnaxala', qataq saishet da ỹe'enai' da le'enaxat, cha'aye namayepi nachena na ỹaneuo ca nallec, qataq aca laỹe nachetaqtaxanaqtepi maye qaỹavigaxat da qoỹanot Ñim Nataxala'. Qaq ỹoqo'oye namayepi iuen da ỹataqta qui'itta naqa'en da lataxac.

Levítico 17:11

Cha'aye 'enauac na huo'o da lca'alaxa, namaye chegoqchigui na ltago'q da nca'altauec. Ỹoqo'oye qami' sanema da huaña añi nca'atoxonaxalate da Aỹem qaỹa'añiỹot ca ltago'q na shiguiỹacpi, qataq nache chegoqchigui camaye da sapalaxat ca qarasouaxashichi.

Éxodo 40:23

Ime, nache ỹachalec somaye aso nauolepi, ỹauaachigui naqa'en Ñim Nataxala', qaq ipacchigui da lamaxasoxonaxac Ñim Nataxala'.

Números 19:11

Qaq ca ipoteua'a ca camachaqca shiỹaxaua leuaxaic, camaye saishet da qui'itta da lataxac ivittrec caua siete na'axa'te.

Números 4:7

Qataq lapaxalec ca lmala' ana nauole maye qoỹanot Ñim Nataxala' ca hualoq laỹe imalaqalec, qataq ỹachalec camaye ca nquia'axaquipi, nemecpi, ỹomaxaquipi qapio'ole, qataq aca late'erai maye laỹe' na nachetaqtaxanaxat lataxa, qataq aca nauole maye nache qoỹaategueuo naxa ye na'a'q.

Éxodo 29:40

Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

Jeremías 16:7

Qataq qaica qome ca ỹo'ot ca lquia'axac da deque'elec cam leuaxaicpi da yaqto' ỹa'añaqchet ca lauo' le'ecpi camayepi qaq na'aictaxa da huo'otaq l-leuaxa ca nta'a huo'otaq aca nate'e.

Daniel 1:8

Qalaxaye so Daniel, lhuennataxac co'ollaxa da saishet da nshepaxanaqcheela't, da chec so nallec qataq so lataxa maye qoỹaata'am naxa so nta'a, qaq ỹoqo'oye dequiguiỹo'ot som ilotague' so nma' lta'araic, da saishet da ỹamaqtalec da chec se'eso nallec da yaqto' saishet ishepaxanaqchet somaye.

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Oseas 7:16

Namayepi ỹe'eguelaxa na saq 'en atamnaxala'pi, nache 'eeta'am ca checnec da namaxagui. Qaq nam lataxala'pi qairolec ca ỹeelonec da qaỹalauat, souaxat da na'amaqte'n naua la'aqtaqa, nache huaña ye Egipto da qane'eetapigui qome namayepi.