Oseas 9:1 - La'aqtaqa Ñim Lo'onatac 'Enauacna 2013

¹ Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Toba del Oeste

¹ Ami Israel laje'pi, ena'te ami made'tape, ena'te auadenaĝachi' gaa'me noyaqa laqaya' nale auajochitac nataq'aen a'ualaqaitac, qa'a ena'am ta'le ovitaue da'me nequejeguetaĝa ca'li oquiya'e joñe'me mach'e Anedios. Qa'a nale ovi'ta ga'me ua'ña jaga'me trigo jala jo'ne joote qonaqat, qama'le 'uo da'me adamaiqui da'me auañema ga'me adajaqajequi jogaa'me qop'iyapegalo jo'ne ja ejoda.

Oseas 9:1 Referans Kwoze

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Santiago 4:16

Qalaxaye qami' qaravilliỹa da ño'oxonnaxaiqa naua qartaxaỹaxacolli', 'eeta'am da qaralamaxache ca ñaq natauo na'a'q, qaq damaye ỹataqta sa ỹaỹamaxañi.

Amós 6:13

Qami' maye saq 'en da qantonaxaqui, nache qoñeeta': «Qomi' chegoqchigui da maiche qana'añaxataxac da huo'o da qara'añaxac.»

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Oseas 5:7

Qaq souaxat da namayepi ca'ai Ñim Nataxala', qataq na llalaqpi ỹaqa'a na lta'alpi, nache namayepi qataq na na'alhuapi, nlaguiñi qome huaigui ca 'oonolec ca'agoxoic.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Oseas 2:12

Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.

Ezequiel 21:10

Qaiqueuocta da yaqto' qaỹalaataxana, qataq qaiqashelgaxatta da yaqto' qashelectapiguiñi,

Ezequiel 20:32

Cha'aye mashe taigui ye qarhuennataqai, da qauauoitaique da qoñeeta'am na laỹepi ỹotta'a't shiỹaxauapi ana 'alhua, maye ỹo'oxoreetac na 'epaq qataq na coma', qalaxaye saishet qome da 'eetec de'era.

Lamentaciones 4:21

¡'Am huaqta'a't nỹecpi Edom, 'Antootapigui' qataq 'auamachiguiñi, 'am maye 'aulotague' ye 'alhua Us! Cha'aye nataqa'en taỹa'a da 'am qanỹomaxangui qome ana ỹomaxaqui maye huetagui na ỹataqta chem, nache 'am itaqchet qome ivitta'a da qouetauec.

Isaías 17:11

qataq so na'a'q co'ollaq 'aỹa'aañi qalaq 'ampaxattalec, qataq 'auo'otec da ñaxat ana ala ye lỹa na'a'q. Qalaxaye, qom anac cam nalolaxa qataq cam qauem maye qaica ca lata', nache deqat qome na ala nam nañiguishecpi.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Ezequiel 16:15

Qalaxaye 'am 'año'oxoyengui co'ollaxa da na'aqtaguec da 'aryac, nache 'auqopitaxan damaye da 'auacona da 'arquisheguetaxac, nache 'aỹa'anem da 'aro'ocỹaxac 'enauac nam 'anqopita.

Ezequiel 16:30

Aỹem Nataxala' da ỹa'aqtac, 'eeta': ¡Ỹataqta qauem co'ollaxa dam 'arquiyaqteỹaxac, ye ỹo'oto' 'enauac nam lataxacpi maye ỹo'ottac aca quisheguetaxai maye qaica ca la'agaxa!