Oseas 8:11 - La'aqtaqa Ñim Lo'onatac 'Enauacna 2013

¹¹ Cha'aye na Efraín, qalota ana no'oxoosheguem nca'atoxonaxalatepi, maye ỹo'ot da huo'o naqa'en nam lasouaxashetpi namayepi.

Toba del Oeste

¹¹ »Qa'a joñe'me Efraín jalcote gaa'me 'lonataqa jo'ne c'atonaĝala'te, qalaĝaja nach'edata da'me chiyaqayi da'me jalcote da'me ja no'en jo'ne qoya'uo.

Oseas 8:11 Referans Kwoze

Oseas 12:11

Ye Galaad, hueta'a na ỹaqa'a atamnaxala'pi, qalaxaye namayepi nda'a't na saq 'en. Qaq ye Gilgal huaña na qoỹaategueuo nachetaqtaxanaxat huaca, ỹoqo'oye ana lca'atoxonaxalatepi dolagui qome, 'eeta'am ca logosheguem coma'pi, maye huetalec ca qanqalagoxotsheguem 'alhua.»

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Jeremías 16:13

Qaq ỹoqo'oye qami' ñeqateeguesopa qome ne'ena 'alhua, nache qami' samaxalo cam 'alhua maye qami' qataq so hua'au qarta'ailpi saishet co'ollaxa da qauauañiỹa, qaq huaña nache ye na'a'q qataq ye pe qauo'onataxañiitacot cam laỹepi atamnaxala'pi, cha'aye aỹem saishet da qami' sechoxore'n qome.

Deuteronómio 4:28

Qaq huaña yemaye nache qami' ishet da qanatamñiỹot qome ca ne'enaqtacpi 'epaq, coma' maye sa nauaañi, saishet da hua'aqa, qataq saishet da deque'e, huo'otaq da huo'oi naua la'a'che, cha'aye maiche lo'onatac ca shiỹaxauapi.

Jeremías 17:1

«'Am Judá, da 'arasouaxashet nanettañi qoỹeraxana so neraxanaxat lcat qataq qoỹeraxana so shetteguet coma' le'enaxat diamante da qoỹerelec añi qaramchigui 'arquiyaqte, qataq naua lcoue añi 'arca'atoxonaxalate.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.