Oseas 8:10 - La'aqtaqa Ñim Lo'onatac 'Enauacna 2013

¹⁰ Qaq na'aictaxa da ỹanem na nme nam ỹotta'a't shiỹaxauapi, qalaxaye nache 'ena'am selagaxattac qome namayepi, nache huo'oi qome caua na'axa'te da nque'etaxangui da lque'eenataxanaxac na nta'alpi qataq nam nataxala'pi.

Toba del Oeste

¹⁰ Qalaĝaja mate mane'e yauote neme' gaa'me noyaqa, da'me jayem male jemata'a't jogaa'me, qaedi 'uo qomle ga'me lachoĝode'j let'adaic, yajouaĝat ga'me qaleuaĝaic jo'ne nejaliaĝatelo'te.

Oseas 8:10 Referans Kwoze

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Oseas 10:10

Qaq qom ñeshet da sauo'o ca nhuaxanaguec ne'ena nhuo' le'ecpi, nache na ỹotta'a't shiỹaxauapi dataỹa'aguet qome namayepi, qom ivita da sauo'o ca nhuaxanaguec souaxat nam qalota lle'etaxaloxosat.

Ezequiel 26:7

Aỹem Nataxala', shenapec: «chegoqtegue ñaqa'en qome da sheu' ñi Nabucodonosor ñim nta'a ye Babilonia ñim nta'a maye ỹataqta 'añaxaic, yaqto' iloquiaxan ye Tiro. Ñimaye anac qome ỹauota'a lalo caipi qataq aca nnaigonapi qataq ca nalleppi maye netalec na caipi qataq ca ỹataqta qalota nalleppi.

Isaías 10:8

Ỹoqo'oye ñimaye 'eeta': «'Enauac na nta'alpi ỹalaxaguet na ỹamaxasoxonaxacpi da samaq.

Hageo 2:6

Cha'aye mashe sa qaỹaloq da sacholaxan qome na piguem qataq ana 'alhua, aso auaxai qataq na deqaqaalec 'alhua.

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Ezequiel 22:20

Qaq 'eeta'am ca lcat plata, cobre, lcat, plomo, qataq ca estaño da camayepi qaỹasaxaigui aca nqatelaxanaxaqui, qataq qaỹe'eraxatoigui ca norec da yaqto' qanqatel, qaq nache sheetec qome Aỹem da so'ogoxona dam chaqaic ỹayeloxo da qami' llaỹona't da yaqto' qami' ñeqate'l.

Jeremías 42:2

na'aqtaxanaxanec Jeremías nache 'enapega, 'eeta': Qomi' sauoqtaique da 'am seỹaxanaqot, qalaq no'on qome da saishet da qomi' 'anhualoxonapeguema. Ñaq 'anachoxonnot Ñim Nataxala' maye 'Anatamnaxala' da qomi' 'auỹaxaaleguete, qomi' maye saq qomi' lamai' da ño'onqañi. Co'ollaxa maye qomi' qalotoiguilo, qalaxaye nagui qalaq qomi' salamai' da ño'onqañi, qaq mashe qomi' 'aumeteeta'ape nagui.

Isaías 36:13

Huaña nache so lataxala' na 'allippi nachaañi, nache ỹataqta nlamaxaren da detaxaiguilo naua la'aqtaqa na hebreo, 'eeta': Ña qana'axaỹaxañiỹa da la'aqtac ñim 'amaqtaqaic nta'a, ñim nta'a ye Asiria, 'eeta':

1 Crónicas 5:26

Ỹoqo'oye Ñim Natamnaxala' na Israel le'ecpi, ỹayena'a da lquiyaqteỹaxac so Pul, som Tiglat Piléser maye nta'a ye Asiria, da yaqto' loxonec qataq ỹauec so rubeniitapi, gadiitapi qataq som laỹe so maiche nalamaxat nhuo' le'ecpi maye chegoxoguetpi so Manasés, nache ỹauega ye Jalaj, Jabor, Hara, qataq so tala ye Gozán, yem netaña choche ivitta'a nagui.

2 Reyes 17:3

Qaq so Salmanasar maye nta'a ye Asiria, nqo'ona da iloquiaxan so Oseas, qaq nache loxonec, qataq ỹauo'o lamaxashec, nache so Oseas choche desheetenaxaatac qanqa'en.

2 Reyes 14:26

Cha'aye Ñim Nataxala' ilota'a da ỹataqta lta'araic nque'eenaxac so Israel le'ecpi, so nlatacpi qataq som saishet da nlatac, maye qaica ca anac da itauan.

Ezequiel 16:33

'Enauac ana quisheguetaxaipi qaisheeten, 'am qalaxaye 'auauo'o na nme, qataq 'ausheeten nam 'ancachaxauapi, da yaqto' chegoqteugalo da 'am naỹa da 'am lauañi'.

Ezequiel 23:5

Qaq aso Aholá, saishet da Aỹem ỹalaxaguet, nache ỹapagaqnauec da lqopiche so ncachaxauapi alaataxaicpi Asiria le'ecpi,

2 Reyes 17:4

Qalaxaye so Salmanasar, maye nta'a ye Asiria, nanoma so Oseas da dataỹa'aguet somaye, cha'aye somaye huo'oi soua lamaxa'she, ỹamaxa so nta'a So, maye nta'a ye Egipto, qataq mashe saishet da ỹaneuo ana lsheetenaxanaqte maye iuen da ỹaneuo ye 'oonolec vi'i da yaqto' isheeten so nta'a ye Asiria. Ỹoqo'oye so nta'a Salmanasar, damaxasoxoolec co'ollaxa da qaỹaconeua'a somaye, nache qaicoñe'.

Isaías 30:2

Qataq namayepi saishet da aỹem inattac, nacherata da sanaỹaloxon da taỹa ye Egipto, da dequiguiỹo'ot ñi Faraón da npaxaalec namayepi, qataq nache deuaqtacot na lpaqal ye Egipto.

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.