Oseas 8:1 - La'aqtaqa Ñim Lo'onatac 'Enauacna 2013

¹ e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Toba del Oeste

¹ Yitaĝa enaac joñe'me Jaliaĝanec: «Auajediye jana'me adajeede, qa'a yovita qomle ñe'me dalataĝanac, ena'am ga'me uole, qaedi yala't jogaa'me yalaqa. Ya'uo jenjo' yajouaĝat da'me ja 'yamaqate'n da'me 'ñaĝataĝac, qama'le ja 'yamaqate'n jogaa'me 'yaqataĝanaĝaco.

Oseas 8:1 Referans Kwoze

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Habacuc 1:8

Qaq ana naloxo na lalo caipi qalaq napacalec ana naloxo ca quiyoc, qataq napacalec da lchec na qa'alaqpi maye huetauga na toolec 'alhua, qataq nam nalleppi maye netalec na caipi ỹataqta nquictauec, nache da ñaq qaỹoqta qalaq ỹataqta ỹachegoxotañi na lalo caipi da nalat, 'eeta'am ca qoỹo lo'o' da decanaxan da yaqto' huo'o ca loxonec.

1 Corintios 15:52

Qaq ỹataqta nque'elaxatta qome de'era, 'eeta'am da 'oonolec nqachegoxoñi ca shiỹaxaua, qom qaỹa'axaỹa aca pa'atec nasheere. Qom qaỹasheeraxalecna, nache na leuaxaicpi nca'alec qanqa'en. Huaña, nache saishet da qaltaq ileu. Qaq qomi' maye sa'amaqtenaqtac So Cristo maye ñaq ñeca'alaqtauec qomi' qanaralaxa't.

Mateo 24:28

'Enauac na shiỹaxauapi ana 'alhua ỹaỹaten da ca huaña da lapona't na teguesanpi, nache ỹaỹaten da hueta'a ca leuaxaic. Qaq nache 'eetec nataqa'en qome da ñanac, nache 'enauac da qaỹaỹaten.

Zacarías 11:1

¡'Am qasoxonaxa Líbano, 'auauatoiguilo naua 'anaso'omi, yaqto' na norec ỹavigaxat ana cedropi!

Zacarías 9:14

Ñim Nataxala' nachaxan qome, da hueta'aguet na lalamaxat nhuo' le'ecpi; qaq da ỹaỹenec aca lchecna qalaq 'eeta'am da layaqchec ca nqashelgaxa. Ñim Lo'onatac 'Enauacna maye Nataxala', ỹasheeyegui qome aca lasheere, ime nache jec, queuoigui na la'at maye chegaqa'ague da taguiñi.

Sofonías 1:16

Que'eca na'a'q qaỹa'aqtega qome da l-lamaxa ana nasheerepi qataq da na'alaxac, da qailoquiaxan ye huaqta'a't nỹecpi, maye huo'o na lpaqtaxat qataq ana qaỹoqotcheguemec nalloxolatepi.

Amós 9:1

Qaq ime, nache sela'a Ñim Nataxala', nachattaua'a na laỹe añi nca'atoxonaxalate, nache aỹem 'enapega, 'eeta': «'Auaxaalec qome na pa'asheguem ana lauoqtepi añi atamnaxaqui, yaqto' cholaxan na l-llecnaxanaxatpi nache da naañi na laỹepi nache talec na lqaic na shiỹaxauapi. Qaq ca lca'alaxaicpi namayepi nache serolec qome ca ỹeelonec da salauat. Nache ỹataqta qaica qome ca ishet da datauec, qataq qaica qome ca nca'alec.

Amós 8:3

Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Joel 2:1

Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Oseas 9:15

«Qaq huaña co'ollaxa ye Gilgal da ỹo'ot 'enauac na qauem namayepi, qaq nache huaña nataqa'en da seqaiga namayepi. Qaq souaxat nam qauem maye ỹo'otpi namayepi, nache so'orauec qom huaña ñi ima', qataq saxaañi da sauotec namayepi, cha'aye 'enauac nam lataxala'pi namayepi da sa ỹalaq.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Ezequiel 16:59

Aỹem Nataxala', da ỹa'aqtac, 'eeta': «'Am sanem qome nam naigui na 'auo'otpi, cha'aye sa 'aupaguelec som 'aỹa'an co'ollaxa 'ara'aqtac, qataq sa 'aupaguelec so 'anaỹamaxataxac co'ollaq Aỹem 'anaỹamaxate'.

Ezequiel 7:14

Mashe qaỹashiiyigui ana nasheerepi da qaiỹaxaalec da alaataxac, qaq 'enauac na shiỹaxauapi naỹamaxat, qalaxaye qaica ca ishet da inoxonec da deloqui. Cha'aye Aỹem serolec qome da inogoxonaxac da sauo'o ca nhuaxanaguec da na'amqaanaxac na Israel le'ecpi.

Jeremías 51:27

Qaỹa'añiỹasheguem aca qara'anaxanaxache ne'ena 'alhua. Qauashiiyigui ana qarasheerei, qataq naỹamaxat qanqa'eñi 'enauac na ỹotta'at shiỹaxauapi da yaqto' qauloquiaxañi ye Babilonia. Qom qauloquiaxañi yemaye nache qauauaqaiguet na nta'alpi ye 'alhua Ararat, ye Mini, qataq ye Asquenaz. Qataq qauauoi ca nataxala' da ilo'ogue da alaataxac. Qataq qoquiỹot qome na caipi 'eeta'am qanqa'eñi aca qauemai shiiquioxoipi.

Jeremías 48:40

Ñim Nataxala', 'eeta': Na mpa'aguenaxauapi ye Moab anac da iloquiaxan yemaye, 'eeta'am ca vi'ic da ipegueere'c naua laua't.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Isaías 18:3

Qaq 'enauac qami' maye qoñiitalec ana 'alhua, qauloỹa'a qom qanauaxaỹaxaasheguem aca na'ana netalec añi qasoxonaxa, qataq qaua'aqaichigui qome da l-lamaxa aca nasheerepi.

2 Reyes 18:27

Qalaxaye so 'amaqtaqaic nataxala' maye Asiria le'ec, 'enapeco': ¿Peta'a qaupi'itaxañiitega da nache qamiita, qataq cam qana'aco'oi da aỹem namaxalo ñim nta'a ye Asiria, da qami' sa'aqtaxanema de'era, ye nataqa'en ne'ena shiỹaxauapi maye netasheguema na npaqtaxanaxat, da namayepi qataq qami' maiche qolliquiitac qome na qara'atequi qataq maiche qanỹomiitapigui qome na qarchaxachi?

Joel 2:15

¡Ña qauashiiyigui qome ana nasheerepi da huaña na Sión, ña qauauo'oi ca qaraponaxaqui qataq qanqouaqchichi qome,

Jeremías 34:18

Qaq cha'aye souaxat da saqauyacñiỹapec da ñaỹamaxataxac, qataq saishet da qaupaquiilec da lataxac da aỹamaxataxac maye sauaachigui qanqa'eñi co'ollaq qanasachiigui, qaq ỹoqo'oye Aỹem so'ot qome da qoñiita'am ca huaca maye qaichiguingui na laiñi da yaqto' la'anaxat da aỹamaxataxac.

Jeremías 49:22

Na pa'aguenaxauapi anac qome da iloquiaxan ye Bosra, 'eeta'am ca vi'ic da ipegueere'c naua laua't, qaq que'eca na'a'q nache na alaataxaicpi ye Edóm, ỹataqta iviloxol qome 'eeta'am aca 'alo da deco'otac.»

Ezequiel 17:3

Nache qoneta': 'Era da la'aqtac Ñim Nataxala': Huo'o so vi'ic ỹataqta lta'araic nvita ye Líbano, soua laua't qalaq ỹataqta late'el, qataq ỹataqta logorail, qataq sansatchiguiñi na laue qataq ỹotta'a't da lo'oxoỹaxac, qaq icheguec so lcom aso 'oonole cedro,

Ezequiel 11:4

Qaq ỹoqo'oye 'auachegoxotchigui qome da ỹe'enaxat da 'aua'aqtaxanem namayepi.»