Oseas 7:7 - La'aqtaqa Ñim Lo'onatac 'Enauacna 2013

⁷ Qaq 'enauac somayepi 'eeta'am aca nqatelaxanaxaqui maye 'ettaigui, da ỹavigaxat som lataxala'pi. Qataq 'enauac so lta'alpi da nmichiguiñi naqa'en, nache qaica da huo'otaq 'oonolec ca aỹem iỹaxaatacot.

Toba del Oeste

⁷ Eda'am jaga'me pan nauoĝotaĝaiqui, qa'a yataqachiñe edetañguilo, qaedi yavi'j gaa'me najoĝola'te. Chane'eja naq'aeta da'me joote qoyegue'm yemeda naa'me jaliaĝanaqa, qalaĝaja qaya'te onolec ta'le jayem yelaque qaedi jichoĝoden.»

Oseas 7:7 Referans Kwoze

2 Reyes 15:30

Huaña nache so Oseas som llalec so Elá, dataỹa'aguet co'ollaxa so Pecaj som llalec so Remalías, qaq somaye iloquiaxan co'ollaxa so Pecaj, nache ỹalauat. Qaq 'era da 'eetec da so Oseas, talec da lo'onataxanaxac se'eso nta'a, co'ollaq mashe ivi' soua veinte vi'iye da lo'onataxanaxac so Yotán som llalec so Uzías.

2 Reyes 15:25

Qalaxaye huo'o so lataxala' so nalleppi somaye, le'enaxat Pecaj som llalec so Remalías, somaye ntaune' co'ollaxa so cincuenta ỹalleppi, maye lma' ye Galaad, nache dataỹa'aguet so Pecajías, nache ique'emaqchet qataq ỹalauat co'ollaxa, huaña so nma' lta'araic maye naña ye Samaria, qaq co'ollaq ime, nache de'era lo'onataxanaxac da nta'a, talec so Pecaj.

2 Reyes 15:14

cha'aye so Menajén, som llalec so Gadi, chegoqchiguiña co'ollaxa ye Tirsa da taỹa ye Samaria, qaq co'ollaq ivita yemaye, nache iloquiaxan so Salún nache ỹalauat, qaq co'ollaq ime da ỹalauat, nache talec da lo'onataxanaxac somaye.

2 Reyes 15:10

Qaq so Salún, som llalec so Jabés, dataỹa'aguet co'ollaxa so Zacarías, nache iloquiaxan co'ollaq huaña ye Ibleam nache ỹalauat, huaña nache so Salún ỹacona da lo'onataxanaxac somaye.

Oseas 8:4

Qataq namayepi ỹauo'o co'ollaxa na lta'alpi, qalaxaye saishet da aỹem ipacapegue', qataq ỹauo'o na lataxala'pi maye saishet da sauatton. Qataq ỹo'ot nam natamnaxala'pi ỹachegoxotaigui na lalamaxat plata qataq na oro, nache ỹo'ot da maiche nlaguiñi namayepi.

Oseas 7:10

Qaq de'era na'amqaanaxac na Israel le'ecpi, damaye maiche dataỹa'aguet qome namayepi. Qaq na'aictaxa de'era, namayepi saishet da ỹe'eguelaxa da nmitaique Ñim Nataxala' maye Natamnaxala'.

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Isaías 43:22

Qalaxaye 'am Israel, maye 'auachegoxoguet so Jacob, saishet co'ollaxa da aỹem 'auỹaxanot, nacherata da aỹem 'anasamiisop.

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

Da na'aqtaguec so Job 36:13

Qaq na 'etaxaloxoicpi qalaq nỹoxola't da lalemataic, nache na'aictaxa da qaicoñettai', qalaxaye saishet da iỹaxanot Ñimaye da yaqto' itauan.

Oseas 7:14

Qataq saishet da ỹataqta lquiyaqteỹaxac da aỹem nachoxoreetacot, da huetalec ye lmala' da huo'o da nachoxoc. Qaq da iỹaxanaique na trigo qataq na lataxa nache ique'emaqchet da lo'ocỹaxac; ¡qaq ỹataqta aỹem dataỹa'aguet namayepi!

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Daniel 9:13

Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

2 Reyes 10:14

Nache so Jehú, 'enapeco': «Qauacoñiiua'a de'erapi, nache nca'altauec qanqa'eñi.» Qaq co'ollaq ime da nca'altauec qanqa'en da qaỹaconeua'a, nache qaicheguec na lqaic somayepi, huaña qanqa'en so sa qaỹapeque aso nshere maye naña ye lpetegaxanaqa' so qagueta lo'opi. Qaq somayepi ivi' cuarenta ỹalleppi, nache ỹataqta qaica ca no'onañi qanqa'en.

2 Reyes 10:7

Qaq co'ollaq ivira somayepi aso nere, nache ỹaconeua'a so setenta llalaqpi ỹalleppi so Ajab, nache icheguec so lqaicpi somayepi, ime nache ỹasaxangui aso npaqtapi se'eso nqaicpi, nache ỹamaxa ye Jezrel.

2 Reyes 9:33

Nache so Jehú, 'enapegalo soomaye, 'eeta': Ña qauamaqaiuec ara'ara 'alo. Nache soomaye, ỹamaxarec asomaye, tachiviigui naqa'en so nalloxoqui, nache na ltago'q aso Jezabel, dechecnaxanot so lque so nỹec, qataq soua caaỹo, som piguilo co'ollaxa asomaye.

2 Reyes 9:24

Qalaxaye so Jehú, ỹauec so lchecnec, nache ỹaỹen so Jorán, nache tatelec na l-laq aso checna, nache ỹapacaviigui na lasot tachigui añi lquiyaqte, nache somaye nacheesop aso laigona.

1 Reyes 16:18

Nache so Zimri co'ollaq ila'a da mashe noxonec som huaqta'a't nỹecpi, nache somaye taigui so nma' lta'araic, nache ỹavigaxat, qaq so Zimri nache pa'ataigui co'ollaxa somaye. Qaq 'era da 'eetec co'ollaq ileu somaye,

1 Reyes 16:22

Qalaxaye som ca'ategue so Omri, nauec co'ollaxa som ca'ategue so Tibni, som llalec so Ginat. Nache so Tibni ileu, qaq so Omri qalaq ivira'a da nta'a.

1 Reyes 15:28

Qaq huetoigui so vi'i tres da ilotague' so Judá le'ecpi so Asá, da so Basá ỹalauat so Nadab, qaq somaye nache talec da no'onataxanaxac da nta'a.

Oseas 13:10

Qaq ¿hua'ague ca hueta'ague cam 'arta'a, da yaqto' nca'alaxatec na 'aralamaxat huaqta'a't nỹecpi? Qataq ¿ca hueta'ague cam 'arataxala'pi, maye 'auỹaxanot co'ollaxa da ỹauo'o ca 'arta'a qataq 'arataxala'pi?

Miqueas 2:1

Choxoraicpiolec qome nam shiỹaxauapi maye nda'a't da tatapigui lauel na qauempi, ivira'a da huetalec ca lmala' qalaq lapaqtapiguiñi da ỹo'ot na qauem, qaq da choche yo'oxoñi nache ỹacoolec da ỹo'ot nam tatapigui lauel, cha'aye namayepi hueto'ot dam na'añaxac.

Salmos 14:4

Qaica ca laỹaanataxanaxac na ỹo'ottac na qauem, nam chectac na ỹalamaxatpi, 'eeta'am naqa'en da chec ca nallec, nam saishet da nqouagaxaueetega da le'enaxat Ñim Nataxala'.

Isaías 64:4

Qaq ỹataqta saỹauanego' da qaỹa'axaỹa huo'otaq da qaỹauaachigui da huo'o ca lỹa atamnaxala' da ỹo'ot cam 'eeta'am nam 'auo'otpi, da talec naqa'en cam pe'etega camaye.

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.