Oseas 7:5 - La'aqtaqa Ñim Lo'onatac 'Enauacna 2013

⁵ Da ivita da qaique'elec so nta'a, nache nam nataxala'pi itaqchet somaye, nỹomaxangui na lataxa. ¡Qaq so nta'a ỹaconeguet na lhuaq som ỹe'enai'pi somaye!

Toba del Oeste

⁵ Ga'me nolo' ca'li ya'uo neualayaĝac ñe'me qadajoĝola', qama'le uo'oe gaa'me jaliaĝanaqa e'n taĝaic joñe'me: nach'egaua gaa'me yauote ca'li da'me dojo' yataqachiñe ye'uetedac ca'li joñe'me qadajoĝola', qalaĝaja joñe'me paja'a da'me e'n naigaĝa'u jogaa'me.

Oseas 7:5 Referans Kwoze

Isaías 28:1

¡Qaq choxoraxaso' ye Samaria, maye ño'oxonnaxaqui qataq 'eco' no'on naro'o ye Efraín, yem nhuo' le'ecpi maye 'eeta'am na taxaicpi, qataq llo'oxoraqte ana huo'o da lyac lauoxo maye taỹa'a da deqaqa, maye hualec na lcomaraxa so 'onaxaic ca'amegue, yem huaqta'a't nỹecpi maye hueta'a na shiỹaxauapi maye mashe sa nauec da lamanaxanaxa na lataxa!

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Marcos 6:21

Qaq co'ollaq ivita so na'a'q maye lañoxoqui, nache so nta'a Herodes ỹo'ot so lta'araic lquia'axac. Nache icoyeguen so nataxala'pi, qataq so lataxala'pi na huataxanaq qataq so shiỹaxauapi maye 'amaqtaqaicpi ye 'alhua Galilea. Qaq aso Herodías ila'a da se'eso na'a'q, nacheso so ishet da huetoigui da ỹalauat so Juan.

Mateo 14:6

Qalaxaye co'ollaq ivita so laloqo' da deque'elec so lañoxoqui so Herodes, nache aso llale aso Herodías dasottac, qaq 'enauac som lquia'axauapi imeteetac asomaye. Nache so Herodes ỹataqta nqopita da lasotaxac asomaye.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Proverbios 20:1

Na lataxa ỹo'ot da sancherapec ca ỹale, qataq na no'on lataxa ỹo'ot da cotaxac, qaq ca itaqchet namaye qalaq saishet da ỹaỹateetegue ca ỹo'ot.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Salmos 69:12

Qaq na nso'ootaña ñi ñegueuo 'enauac da aỹem na'aqtaxaatapigui, na nỹomaxaicpi qalaq ỹo'ot na lo'onecpi da aỹem ỹe'eetac.

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

1 Reyes 13:4

Nache so nta'a Jeroboán, co'ollaq hua'axaỹa da la'aqtac so na'aqtaxanaxanec, da detaqtega aso nca'atoxonaxalate maye naña ye Betel, nache so nta'a nauaxaỹaxaasheguem na lhuaq, huaña aso nca'atoxonaxalate, nache 'eeta': «¡Ña qauacoñiiua'a damaye!» Qalaxaye so lhuaq maye nauaxaỹaxaasheguem somaye nache deqaqa, nache saishet da qaltaq iraxan.

Génesis 40:20

Qaq co'ollaq mashe ivita so na'a'q tres, maye laloxoqui som lañoxoc so faraón, nache ỹo'ot so lta'araic lquia'axac da dequi'iỹa'ai' 'enauac so ltauapi. Qaq so faraón co'ollaq ña datataigui so lquia'axauapi, nache damaxasoxoolec da qanqateeguesopa aso ncoñetaxanaxaqui so lataxala' so ỹomaxaqui lo'opi, qataq so lataxala' so nauole lo'opi.

Isaías 28:14

Qaq qami' ỹalleppi maye qaica ca qaureñi, maye qauloitague' na nhuo' le'ecpi na Jerusalén, ña qana'axaỹaxañiỹa da la'aqtac Ñim Nataxala'.

Oseas 7:3

Qaq nam qauem maye ỹo'ottac namayepi qalaq machiguiñi naqa'en ñi nta'a, qataq nam latenataxanaxacpi machiguiñi naqa'en nam nataxala'pi.