Oseas 7:4 - La'aqtaqa Ñim Lo'onatac 'Enauacna 2013

⁴ 'Enauac namayepi da sa ỹalemaq, 'eeta'am ana qatelaxanaxaqui da mashe ỹaguec na le'eraxa, nache sa iuen da queta da qaỹalootaigui, da qaiuatta'a da nashiiyesheguem ca ndaqñiguishec 'ayiiña.

Toba del Oeste

⁴ Qaya'te onolec ta'le ja yoqovin jaga'me loua, qa'a yemeda jogaa'me eda'am jaga'me pan nauoĝotaĝaiqui jo'ne joote p'e: qama'le joñe'me pan lo'o dajo'ta nale qaale ga'me nonañejec joote yajediye.

Oseas 7:4 Referans Kwoze

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

1 Corintios 5:6

Qami' sa ỹaỹamaxañi da qaño'oxoreñiitapigui de'era. ¿Sa qauaỹaañiỹo' naxa da na'aqtac maye 'eeta': «Aca saq 'amaqtaq lalecte ana nauole ishet da ỹasheeraxachigui 'enauac ca ndaqñiguishec 'ayiiña»?

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Oseas 4:10

Qaq na'aictaxa qome da sa qoue da lquia'axac qalaxaye saishet da icoma', qataq da ỹapacauec da lquisheguetaxac, qalaxaye qaica qome ca llalec, souaxat da ca'ai Ñim Nataxala'.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!