Oseas 7:3 - La'aqtaqa Ñim Lo'onatac 'Enauacna 2013

³ Qaq nam qauem maye ỹo'ottac namayepi qalaq machiguiñi naqa'en ñi nta'a, qataq nam latenataxanaxacpi machiguiñi naqa'en nam nataxala'pi.

Toba del Oeste

³ »Yajouaĝa't jogaa'me loeco nataq'aen gaa'me loqovinaĝanaĝaco, e'n matac ñe'me lajoĝola't nataq'aen gaa'me jaliaĝanaqa.

Oseas 7:3 Referans Kwoze

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

1 Juan 4:5

Namayepi ỹataqta 'etaxaloxoicpi. Qaq nam maiche laỹepi 'etaxaloxoicpi maye huetalec ana 'alhua ỹalaqta'aguet namayepi, cha'aye 'eeta'am da ltaxaỹaxac.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Oseas 7:5

Da ivita da qaique'elec so nta'a, nache nam nataxala'pi itaqchet somaye, nỹomaxangui na lataxa. ¡Qaq so nta'a ỹaconeguet na lhuaq som ỹe'enai'pi somaye!

Oseas 5:11

Nache na Efraín, qaica qome ca nyacnataguec qataq qaica ca naigui qanqa'en, souaxat da maiche quegue nam atamnaxala'pi maye qaica ca naigui.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Jeremías 37:19

¿Cam hueta'ague que'eca na'aqtaxanaxanecpi, maye 'eetega saishet da anac ñi nta'a ye Babilonia, da iloquiaxan 'am qataq na hueta'a ne'ena 'alhua?

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

1 Reyes 22:13

Nache so namaxashec maye ỹe'eguena'a co'ollaxa so Micaía, 'enapego' somaye, 'eeta': So na'aqtaxanaxanecpi, 'enauac da 'eeta'a't da la'aqtaxanaxac, da da'aqtaxaatapeguem so nta'a Ajab, da taỹa'a da no'on. Qaq ỹoqo'oye no'on taxa da nataqa'en 'am, 'ano'onaxat ca 'ara'aqtaxanaxac, yaqto' nateeteguet qome da la'aqtaxanaxac somayepi.

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.