Oseas 7:2 - La'aqtaqa Ñim Lo'onatac 'Enauacna 2013

² Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Toba del Oeste

² Ja jayem 'te uenateteda'a da'me ñetouetac da'me ja no'en jo'ne yauote. Qalaĝaja daa'me 'lonataqa male yapadelo'te jogaa'me, qama'le yema jec'atetac nayi.

Oseas 7:2 Referans Kwoze

Lucas 12:2

Cha'aye 'enauac nam qoỹoxottapiguiñi ya'aqalec qataq 'enauac nam saq cha'api ivira'a da qaỹaỹaten.

Salmos 90:8

Na qauemsat maye so'otaq qalaq 'auaỹateetac, qataq 'enauac na saqcha'a qarasouaxashetpi yo'oqta 'anqa'en.

Amós 8:7

Qaq Ñim Nataxala', ỹan da la'aqtac souaxat da la'amaqchec so Jacob, 'eeta': «Aỹem saishet qome da secoua'ai nam qauo'oche».

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Jeremías 16:17

Cha'aye Aỹem selota'a 'enauac nam ỹo'ottacpi, nache qaica ca ỹapoguiñi ñaqa'en, ivira'a na lasouaxashetpi saishet da nqañoxocheesop da imeenaxanaxac.

Jeremías 4:18

Dam 'arataxac qataq nam 'auo'otpi, nachena na ỹo'ot da 'am talec de'era, nam qauem maye 'auo'otpi nachena na 'am ỹaneguet de'era ỹataqta chem alaỹaxac qataq nachena na ique'emaqchet añi 'arquiyaqte.»

Isaías 5:12

Nam la'ashaxacpi qalaq nda'a't ana nviquepi arpapi, salteriopi, qataquipi, qataq ana nasheerepi qataq na lataxa, qalaxaye saishet da ila'a nam ỹo'otpi Ñim Nataxala', qataq saishet da iuennata'a nam lo'onatacpi Ñimaye.

Salmos 25:7

Qataq saishet qome da 'auennatega na ỹasouaxashetpi, qataq na qauemsat maye so'ot co'ollaq ñaq aỹem nsoqolec, 'Am Nataxala', aỹem 'auennata'a qome, souaxat da lta'araic 'arsoxoyec qataq 'arauotaxanaqtaic.

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Isaías 1:3

Ca nauegaxanaxala' huaca ỹauatton ca na'aco', qataq ca 'ashena ỹauatton ca lquia'axanataxanaqa' ca na'aco', qalaxaye na Israel le'ecpi nam nhuo' le'ecpi maye ỹalamaxatpi, saishet da aỹem ỹauatton qataq qaica ca lauattonaxanaxac.»

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Da na'aqtaguec so Job 34:21

Cha'aye da lmeenaxanaxac Ñim Lo'onatac 'Enauacna, ilotague' da llecỹaxac ca shiỹaxaua, qataq naua'n naua lqauaxaqui'.

Deuteronómio 32:29

Namayepi taxa da huo'o ca laỹaanec, qataq dauattonaxan, nache ỹaỹaten chaq negue't ca taỹa'a.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Isaías 44:19

Saishet da deuennataxaalec, cha'aye qaica ca lauattonaxanaxac, qataq qaica ca laỹaanataxanaxac da yaqto' ishet da 'eeta': «na laỹepi som qo'oipaq savigaxat, nache aso lpoqo so'ogona da so'ot aso ỹauole 'ayiiña, qataq so ỹauoc lapat ime, nache sachec. Qaq som no'onañi se'eso qo'oipaq nache so'onataxana da so'ot som ỹataqta nqaigaxat, ¡qaq nam sho'oxoreetac nagui, namaye choche qo'oipaq laỹe!»

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Jeremías 17:1

«'Am Judá, da 'arasouaxashet nanettañi qoỹeraxana so neraxanaxat lcat qataq qoỹeraxana so shetteguet coma' le'enaxat diamante da qoỹerelec añi qaramchigui 'arquiyaqte, qataq naua lcoue añi 'arca'atoxonaxalate.

Jeremías 44:21

Qami', ¿peta'a qaupicheetega da Ñim Nataxala' saishet da noma de'era, huo'otaq da icoua'ai da qami' qataq som hua'au qarta'ailpi qataq som lta'alpi somayepi qataq so lataxala'pi, qataq 'enauac som shiỹaxauapi, da ỹaatacot co'ollaxa na lchenaxanaxat maye ama na laita, nam laỹepi atamnaxala'pi da huaña na huaqta'a't nỹecpi maye ỹotta'a't naua nañalo ye Judá qataq na nqa'aicpi ye Jerusalén?

Oseas 4:9

Qaq ne'ena nhuo' le'ecpi, nache 'eeta'am ñaqa'en qome na ntaxaỹaxanaxanecpi, da sauo'o ca nhuaxanaguec, souaxat dam qauem lataxac namayepi.

Oseas 9:15

«Qaq huaña co'ollaxa ye Gilgal da ỹo'ot 'enauac na qauem namayepi, qaq nache huaña nataqa'en da seqaiga namayepi. Qaq souaxat nam qauem maye ỹo'otpi namayepi, nache so'orauec qom huaña ñi ima', qataq saxaañi da sauotec namayepi, cha'aye 'enauac nam lataxala'pi namayepi da sa ỹalaq.

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Salmos 10:11

Na qauemaic da detaqa qalaq, 'eeta': «Ñim Lo'onatac 'Enauacna decouaqtaxan, qataq ỹapogui na lashec da yaqto' saishet da huo'o ca ila'a.»

Ezequiel 21:29

Qaq nam lauanaqchecpi qalaq saq'en qataq naua la'aqtaxanaxaco qalaq choche ashepegaxanaxaco. Ca ỹeelonec qalaq ipelecot qome na lqosot nam qauemaicpi laataxanaxaicpi. Mashe saqaỹapeque ca laloqo' cam pa'atec nhuaxanaguec.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.