Oseas 7:12 - La'aqtaqa Ñim Lo'onatac 'Enauacna 2013

¹² Qalaxaye qom taỹa, nache sa ñaỹaloxon da sasaxalec ca ỹaleguec yemayepi, qataq naañi ñaqa'en, 'eeta'am ana qoỹopi da chegaqasheguema na piguem, nache sauo'o qome ca nhuaxanaguec souaxat na qauem maye ỹo'otacpi.

Toba del Oeste

¹² Qalaĝaja qom ua'a da'me te'me yelodaque jenjo' nichoĝodenataĝanaĝac, male yoĝonaqa, ena'ama jogaa'me mayodi, qama'le yataqachiñe ja'uo qomle da'me lachoĝode'j, yajouaĝat da'me ja no'en jo'ne yauote.

Oseas 7:12 Referans Kwoze

Ezequiel 12:13

Aỹem sasaxalec qome ca ỹaleguec nache ỹoxonec qome. Qaq ime nache sauega qome ye Babilonia maye na'alhua na caldeopi, yem 'alhua maye saishet qome da ila'a cha'aye qaicaua naua la'ai'te, qataq nache huaña qome yemaye da ileu.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Ezequiel 32:3

Qaq 'era da la'aqtac Ñim Nataxala': Na'aictaxa da 'aualectaigui na qalota shiỹaxauapi, qalaxaye 'am sasaxalec qome ca ỹaleguec, qaq nacheca ca 'am serolec da 'am ỹoxonec.

Ezequiel 17:20

Qaq Aỹem sasaxalec qome ñimaye ca ỹaleguec, nache huetaigui ñaqa'en qome camaye da sauega ye Babilonia, qaq nache huaña qome yemaye da ñemit souaxat da Aỹem saỹalaxaguet.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Jeremías 16:16

Ñanacot qome na qalota ya'acoxoicpi, Aỹem Nataxala' 'era da ỹa'aqtac, da yaqto' ỹalecaique na Israel le'ecpi. Ime qome nache qaltaq anac ñaqa'en ca qalota 'ipiaxaicpi yaqto' ỹaconeua'a, nache nqateeguesop ana qasoxonaxapi qataq ana qaỹoqotcheguemec 'alhuapi, qataq ivira'a na huetangui na lpoxoỹaxapi ana coma'pi.

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Da na'aqtaguec so Job 19:6

Qalaxaye qami' qauaỹaañita qome da Ñim Lo'onatac 'Enauacna, nacheñi ñi aỹem ique'emaqchet, qataq nacheñi Ñimaye da aỹem loxonec aso lqoina.

Oseas 5:9

Qaq aỹem sa'aqtaxanem nam nalamaxat nhuo' Israel le'ecpi, da ỹataqta 'eesa cam naỹa'a namayepi, qaq na Efraín ỹataqta nlachiguiñi qom nvita ca nhuaxanaguec.