Oseas 7:11 - La'aqtaqa Ñim Lo'onatac 'Enauacna 2013

¹¹ Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Toba del Oeste

¹¹ Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Oseas 7:11 Referans Kwoze

Oseas 12:1

Na Efraín qalaq chectac na la'at, qaq 'enauac ye na'a'q da quetague' na la'at maye chegaqa'ague da nala' lliguisheguem. Qataq nquigaxattauec na latenataxanaxacpi qataq qaica ca iren, qataq naỹamaxate' ye Asiria, qataq ỹamaxa na nme aceite ye Egipto.

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Oseas 11:11

Qaq 'eeta'am ca qoỹo da iviloxol qom anac chegaqa'a ye Egipto, qataq 'eeta'am ca qoto' qom anac chegaqa'a ye Asiria, nache Aỹem, sanaiguilo qome naua lma'ate namayepi. Qaq 'era da ỹa'aqtac Aỹem Nataxala'.

Oseas 4:11

De'era quisheguetaxac qataq na lataxa, ỹo'ot da deqat da no'on nataxac.

Oseas 9:3

Qaq nache saishet qome da nache qoñeetalec na 'alhua maye lalamaxat Ñim Nataxala', nacherata da na Efraín, ỹe'eguelaxa qome ye Egipto, qataq ye Asiria yem huaña qome da chectac na nallec maye sa qaỹashenem namayepi da chec.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Jeremías 2:36

¿Ta'ainco' da ỹaguec da 'arỹalaxa da 'anaralaxat so 'anaỹamaxate'? Ye nataqa'en ye Egipto 'am ỹatenachet qome, 'eeta'am da 'eetec da 'am ỹatenachet co'ollaxa ye Asiria.

Jeremías 2:18

Qaq nagui ¿negue't ca 'araueguec da 'anqo'ona ye Egipto da yaqto' 'anỹomgui na 'etaxat maye huetangui so tala Nilo? Qataq ¿negue't ca 'araueguec da 'anqo'ona ye Asiria da yaqto' 'anỹomgui na 'etaxat maye huetangui so tala Éufrates?

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Proverbios 15:32

Ca sa ỹaconeguet da qanlaxanec, qache sa ỹauotec da nachaalataxac, qaq ca ỹaconeguet da qanlaxanec qalaq ỹaconeguet da naỹaanataxanaxac.

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

2 Reyes 15:19

Qaq se'esoua vi'iye da nta'a somaye, nache so Pul, maye nta'a ye Asiria, taỹa da iloquiaxan co'ollaxa yi'iye 'alhua. Nache so Menajén, ỹanem co'ollaxa so Pul, so treinta y tres mil kilos na lcat plata da yaqto' saishet sa qairaxanai' da lo'onataxanaxac da nta'a.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 9:6

Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

2 Reyes 16:7

Nache so Ajaz, ỹamaq co'ollaxa so lamaxashecpi da taỹa so Tiglat Piléser, maye nta'a ye Asiria, da yaqto' 'enapega, 'eeta': «Aỹem, maiche aỹem 'aramaxashec, qataq maiche aỹem 'aỹa'alec. Ỹoqo'oye no'on taxa da 'auanac, nache aỹem 'anqateeguesop da la'añaxac ñi nta'a na Siria, qataq ñi nta'a na Israel, maye aỹem iloquiaxaata'ape.»

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Abdías 1:7

Qaq nache 'enauac nam 'am itauaatacpi co'ollaxa, ỹataqta 'am ỹatenachet, nache 'am ỹo'orauec, qoca'ai naqa'en ye maiche 'ana'alhua. Qataq ivira'a nam 'anauochaxauapi da 'am dataỹa'aguet, nache namayepi ỹanangui na 'ec ana lqoinapi. ¡Cha'aye 'am Edom, ỹataqta qaica ca 'araỹaanataxanaxac!