Oseas 7:1 - La'aqtaqa Ñim Lo'onatac 'Enauacna 2013

¹ Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Toba del Oeste

¹ Qom jetaque ñec'alaĝatedegue naa'me naajo' yalaqapi, qama'te nach'edata da'me qoyauanalo daa'me loeco: yemeda naa'me pecayaqa nataq'aen cachaĝayaqa, qama'le quetayelo naa'me emaqa qaedi decachi'y, chayovida'a jena'me naq'aic nouo't joga'me ta'yedi.

Oseas 7:1 Referans Kwoze

Oseas 7:13

¡Qaq ỹataqta qauem qome ca taỹa'a yemayepi souaxat da aỹem ca'ai! Qataq taỹa'a da nlaguiñi qome, souaxat da aỹem dataỹa'aguet. Aỹem, sauotaique da ñeca'alaxatec yemayepi, qalaxaye yemayepi ỹo'ot na latenataxanaxacpi da Aỹem dataỹa'aguet.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Lucas 19:42

Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Amós 8:14

Qataq nam ỹanot da la'aqtac nam atamnaxala'pi ye Samaria, maye 'eeta': «Aỹem san da ỹa'aqtac souaxat da lca'alaxa ñim atamnaxala' ye Dan», qataq «souaxat da lca'alaxa ñim atamnaxala' ye Berseba», qaq namayepi huañi qome nache saishet da qaltaq ỹe'eguelaxa da ñesheguem.

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Oseas 8:9

cha'aye namayepi tasheguema ye Asiria, 'eeta'am na 'ashena no'onaxa le'ec maye huegaqaic. Qaq na Efraín qalaq desheenaxata'a ana quisheguetaxaipi.

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Oseas 4:17

Qaq na Efraín ye ỹataqta nañaneguet da ỹa'amaqten nam ne'enaqtacpi. Qaq qaua'aqaita'a qome.

Ezequiel 23:4

Qaq aso ỹe le'enaxat Aholá, maye nacheye ye Samaria, qaq aso lqaỹa le'enaxat Oholibá, maye nacheye ye Jerusalén. Qaq Aỹem saronegueta co'ollaxa soomaye, nache huo'o so ỹalaqpi ỹalleppi qataq 'alpi.

Ezequiel 16:46

Da sheu' qalaq neta'ague añi 'arqaỹa ỹe, maye nacheye yem huaqta'a't nỹecpi ye Samaria, qataq 'enauac nam salamai' nỹecpiolec maye coleesop yemaye, qaq da taguiñi qalaq neta'ague añi 'arqaỹa na'asa, maye nacheye yem huaqta'a't nỹecpi ye Sodoma, qataq 'enauac nam salamai' nỹecpiolec maye coleesop yemaye.

Jeremías 51:9

Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.

Isaías 59:12

Qomi', ỹataqta qalota naxa da 'am senogoqchetaq, na maiche qarasouaxashetpi nachena na qomi' ỹa'axa't, qaq nam qarasouaxashetpi qomi' netaiguilo, qataq saỹaanaqta nam qauempi maye so'otaqtac.

Isaías 28:1

¡Qaq choxoraxaso' ye Samaria, maye ño'oxonnaxaqui qataq 'eco' no'on naro'o ye Efraín, yem nhuo' le'ecpi maye 'eeta'am na taxaicpi, qataq llo'oxoraqte ana huo'o da lyac lauoxo maye taỹa'a da deqaqa, maye hualec na lcomaraxa so 'onaxaic ca'amegue, yem huaqta'a't nỹecpi maye hueta'a na shiỹaxauapi maye mashe sa nauec da lamanaxanaxa na lataxa!

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Isaías 59:14

Da nalochiguiñi lataxac qalaq qaỹo'otan, qataq da ỹaỹamaqchiguiñi nataxac qaỹoqta qanqa'en, da 'eesa lataxac qalaq saqana'axaỹaxana da huaña ye nlagaqa', qataq da no'on nataxac saishet da yo'oq.

Oseas 12:1

Na Efraín qalaq chectac na la'at, qaq 'enauac ye na'a'q da quetague' na la'at maye chegaqa'ague da nala' lliguisheguem. Qataq nquigaxattauec na latenataxanaxacpi qataq qaica ca iren, qataq naỹamaxate' ye Asiria, qataq ỹamaxa na nme aceite ye Egipto.

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Amós 3:10

Qaq da la'aqtac Ñim Nataxala', 'eeta': «Namayepi sa ỹaỹaten da ỹo'ot ca ỹaỹamaqchiguiñi lataxac, qataq ỹoxotoiguilo naua nma'ate lta'araiqa na lcachaxatpi, maye ỹachegoxotaigui da qaica ca iren».