Oseas 6:3 - La'aqtaqa Ñim Lo'onatac 'Enauacna 2013

³ ¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Toba del Oeste

³ ¡'Noota qom yataqachiñe ñomitaqataque joñe'me Jaliaĝanec! Qa'a qom naq'aeta, qama'le qo'mi yevitetapiye qomle, ena'am jaga'me ajeua nale yemta nenoĝojeguem, ena'ama gaa'me 'uaediñe uochi'pi jo'ne uo'oe nale ga'me nauoĝo.»

Oseas 6:3 Referans Kwoze

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Jeremías 24:7

Qataq sanem qome da lauattonaxanaxac, da yaqto' aỹem ỹauattoota da nache Aỹem maye Aỹem Nataxala', qaq ne'ena nhuo' le'ecpi, nache ỹalamaxat qome, qataq nachaỹem Aỹem Ñatamnaxala', cha'aye namayepi ỹataqta imauec qome da lquiyaqteỹaxac da aỹem ñe'eguelaxa.

Salmos 72:6

Qataq 'eeta'am qome na auot da ipettalec ca nanaxanaqa', qataq na sheue da ipettalec ana 'alhua.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Zacarías 10:1

Ñaq qauỹaxañiỹot qome Ñim Nataxala' da namaq ca auot ye nauoxo, cha'aye Ñimaye nacheñi ñi ỹo'ot na napo, qataq namaq na auot, qataq nacheñi ñim ỹo'ot da lañaxataxac 'enauac ana huoue maye huetalec na no'onaxa.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Lucas 1:78

Ñim Lo'onatac 'Enauacna ỹataqta lta'araic da lauotaxanaqtaic da shenaqta, ỹoqo'oye chegoqtot naqa'en na piguem da qomi' namaxalo ca Qarca'alaxaqui, 'ena'am naqa'en añi nala' da nnoxoosheguem ye dalaxaic na'a'q.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Miqueas 4:2

Nache qalota qome na shiỹaxauapi nvira añimaye, nache 'eeta': «Qolaq saxasheguema añi nqasoxonaxa Ñim Nataxala', añim nalec añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, nache qolaqtegue na llecpi Ñimaye». Cha'aye chegoqchiguiña qome ye Sión da lapaxaguenataxanaxac Ñim Nataxala', qataq da la'aqtac Ñimaye nache chegoqchiguiña qome ye Jerusalén.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Oseas 10:12

Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Hechos 17:11

Qaq se'eso judiopi maye hueta'a yemaye ỹataqta soxoraicpi, saishet da 'ena'am nam netaña ye Tesalónica. Co'ollaq na'axaỹaxana da no'on na'axaỹaxac maye na'aqtaguec So Jesús, nache ỹataqta lta'araic da ntonaxac. Ỹoqo'oye 'enauaque naua na'axa'te itaxaỹaxaatac ana nere maye huetalec na la'aqtacpi Ñim Lo'onatac 'Enauacna da huotaique da ỹaỹaten da ỹoqta 'eesa de'era qaỹa'axattac.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Isaías 32:15

Qalaxaye dam saqcha'a la'añaxac Ñim Nataxala' qaltaq qomi' ñe'eguelaxalo qome nache na toolec 'alhua ỹe'eguelaxa qome da ishet da qoỹanaxaalec, qataq nam no'on 'alhua ñaxaalec qome ana qalota qo'oipaqpi.

Salmos 65:9

'Am ỹataqta 'antela'a ana 'alhua, 'anamaxa na auot qataq ñaxatsheguem 'anqa'en na huetalec, qataq 'auauota'a na la'auaxac da ñaxat 'anqa'en na trigo, qaq 'era da qonetec da 'auqataxanai' na no'onaxa.

Deuteronómio 32:2

Ne'ena ỹapaxaguenataxanaxac, 'eeta'am qome ca 'auot da anactañi, qaq na ỹa'aqtacpi qalaq 'eeta'am qome ca 'aỹa, qataq 'eeta'am ca loiquiaxa da talec ca 'auaqpi, qataq 'eeta'am aca llo'oxo ca 'etaxat da talec aca huoue.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Da na'aqtaguec so Job 29:23

qaq namayepi iuatta'agueta naua ỹa'aqtaqa, 'eeta'am da 'eetec da iuattaique na nca'ataxanauo auot.

Miqueas 5:7

Qaq nam no'onañi lauo' le'ecpi so Jacob, qom ỹalectaigui na ỹotta'a't shiỹaxauapi qalaq 'eeta'am qome na 'aỹa maye namaq Ñim Nataxala', qataq 'eeta'am na auot da talec ana huouepi, maye saishet da iuatta'a ca 'eetapeguec na shiỹaxauapi.

Salmos 19:4

qalaxaye da lavilỹaxac dellimigui naqa'en ana 'alhua, qataq naua la'aqtaqa ivira'alo naua loga'te ana 'alhua, maye huaña da qaỹauo'o lma' co'ollaxa añi nala'.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

2 Samuel 23:4

nache camaye 'eeta'am da mashe yo'oxoguet na na'a'q, qataq 'eeta'am na le'eraxa añi nala' da qui'ittom, nache ñaxat naqa'en na 'auaqpi da mashe imeueegue ca auot.›

Salmos 19:6

Qaq da nnoxoosheguem añi nala' nache jec, queto'ot na piguem nache ivitta'a ca loga't ana 'alhua, nache qaica ca ishet da 'eteguet na le'eraxa.

Salmos 63:8

'Enauac da ñachaalataxac 'am hueto'ot, na 'oiguishec 'arhuaq qalaq nache 'eetai' da aỹem nasoqtañi.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Oseas 14:6

Qataq ỹataqta qalochiguiñi ana lcouepi, nache da lyacỹaxac 'eeta'am ana oliivo, qataq da no'on laitaỹaxac 'eeta'am ana cedropi ye Líbano.