Oseas 6:1 - La'aqtaqa Ñim Lo'onatac 'Enauacna 2013

¹ Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Toba del Oeste

¹ Qama'le ga'me Israel lec'oqo'tepi male enapega't ca'li: «¡Qolaq! ¡Yitaĝa jec'otaĝa ñe'me Jaliaĝanec! Te'me qo'mi yolaĝachiguilo ca'li, qalaĝaja yataqachiñe qo'mi natade'n qomle; te'me jalcote da'me qo'mi ye'uaĝa'n ca'li, qalaĝaja yataqachiñe qo'mi yichoĝode'n qomle.

Oseas 6:1 Referans Kwoze

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Da na'aqtaguec so Job 5:18

Cha'aye Ñimaye da ỹo'ot ca nque'emaxa, qalaq nataqa'en nataren, qataq da huo'o ca iuaxan qalaxaye nataqa'en nataren.

1 Samuel 2:6

Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

Jeremías 30:17

'Am she'eguelaxatem qome da 'arca'alaxa, qataq ñataren na 'arque'emaxapi, qaq na'aictaxa na 'ampa'aguenaxauapi da 'enapec: ‹Na Sión ỹataqta qaỹalat qaica ca qochetega namaye.› Qaq 'era da ỹa'aqtac Aỹem Nataxala'.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Jeremías 50:4

Ñim Nataxala', 'eeta': «Que'eca na'a'q nache na shiỹaxauapi maye lma' ye Israel qataq ye Judá nỹeeta'aguet qome da anac da Aỹem nmitaique, Aỹem maye Aỹem Lataxala' qataq Natamnaxala'.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Isaías 30:26

Nache Ñim Nataxala' nataren qome na lque'emaxapi qataq lcolaxapi nam lalamaxat nhuo' le'ecpi. Qaq huaña nache na le'eraxa ñi ca'agoxoic 'eeta'am na le'eraxa añi nala', qaq na le'eraxa añi nala', qalaq siete da nquiguec da 'eroigui, 'eeta'am na le'eraxa da huaxaỹa't caua siete na'axa'te.

Jeremías 33:5

Na Babilonia le'ecpi anac da yaqto' iloquiaxan na huaqta'a't nỹecpi nache nlaxatchigui namaye na leuaxaicpi. Qaq souaxat da ỹayeloxo qataq da inogoxonaxac, nache saishet da selogui ne'ena huaqta'a't nỹecpi, qaq seque'emaqchet namayepi souaxat 'enauac nam ỹo'otpi maye qauem.

Salmos 30:7

Qalaxaye 'Am Nataxala', de'era 'arqouagaxanaqtaic, ỹo'ot da qaica ca aỹem iraxaatapigui', qalaxaye co'ollaq aỹem 'anqañoxotaisop, nache aỹem ñesomaxaatapigui'.

Jeremías 30:12

Ñim Nataxala' 'enapec: da 'arque'emaxa saishet da qanataren, dam qauem maye 'am huetalec qaica ca lata'.

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Sofonías 2:1

Ñaq qauataiỹa't, qataq qalapoñiỹa't qami' shiỹaxauapi maye qaica ca qara'agaqai,

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»

Da na'aqtaguec so Job 16:9

Ñim Nataxala' ỹataqta aỹem icaatac qataq aỹem icolaxattac, qataq aỹem icaatac, 'eeta'am na shiguiỹac da ỹectrauec na lhue, ỹataqta aỹem ỹallichiguilo naqa'en naua la'ai'te 'eeta'am naqa'en da aỹem mpa'aguenaxaua.

Salmos 6:2

'Am Nataxala', aỹem 'auchoxoren qome cha'aye qaica ca ỹa'añaxac. 'Am Nataxala', aỹem 'anataren qome cha'aye mashe iviloxol da ỹo'ocỹaxac.

Salmos 71:20

Qaq na'aictoxo' da qalota co'ollaxa na aỹem 'auauanaqchetec, que'eenaxaguesat qataq na sa ỹaỹamaxañisat, qalaxaye qaltaq aỹem 'auachegoxotchiguiña qome, na qaỹoqchiguiña ana 'alhua da qaltaq aỹem 'anca'alaxatec,

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Isaías 17:7

Qaq que'eca na'a'q, cam shiỹaxaua ỹe'eguelaxa qome da ỹamato'ot Ñim Lo'onatac da nachaalataxac, Ñim Qui'itta Natamnaxala' na Israel le'ecpi.

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Jeremías 50:5

Denataxaataique qome ca nqa'aic maye taỹa'ague da Sión, ime nache jec da taỹa yemaye nache, 'eeta': ‹Ñeqo'onaxa Ñim Nataxala', nache sauoqo'o ca chochaq tatec qanaỹamaxataxac maye saishet qome da icoua'ai Ñimaye.›

Lamentaciones 3:11

Qataq aỹem ỹashoqchenec, da yaqto' aỹem icolaxattac, nache ỹataqta aỹem nlaxatchigui da icolanaxa.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Oseas 12:6

Qaq ỹoqo'oye 'am Israel, 'avi'eguelaxa qome Ñim 'Anatamnaxala'; 'auo'ot qome da nauotaxanaqtaic, qataq da nalochiguiñi lataxac, qataq nache 'eetai' qome da 'auacheto'ot da 'arpi'iỹaxac Ñim 'Anatamnaxala'.

Levítico 14:48

Qalaxaye da pa'auo ca ntaxaỹaxanaxanec da yaqto' imeten, nache da ila'a da saishet da ỹe'eguelaxa da huo'o ca lcochaxa que'eca nỹec da mashe ime da qanaralaxat na la'amnaxat, nache ỹa'axat da qui'itta, cha'aye qaica ca lcochaxa camaye.

2 Crónicas 30:6

Qaq ime, nache jec so namaxashecpi da icoyeguen 'enauac so lma' ye Israel, qataq so lma' ye Judá, ỹachetac aso lere so nta'a qataq so ltauapi, da ỹa'axatec da lamaxasoxonaxac se'eso nta'a qataq so ltauapi, maye 'eeta': «Qami' Israel le'ecpi, qavi'iguelaqaiỹot qome Ñim Nataxala' maye Natamnaxala' so Abraham, Isaac qataq so Israel, yaqto' Ñimaye qami' ỹe'eguelaxagueta, 'enauac qami' maye qami' ỹe't da lhuaqỹaxac ñi nta'a ye Asiria.

Da na'aqtaguec so Job 22:23

Cha'aye da 'avi'eguelaxa Ñim Qaica ca Ỹaqalanapec, huaña nache ca'ai naqa'en ye 'arma' na que'eenaxacpi.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.